［打鬥/靈幻/鬼怪］《輪迴。道》/《噬魂》我由古惑仔變咗做現代道士: 168

看著控屍的屍體被烈火燒成灰燼後，我們拖著疲倦的身軀返回家中，此時，天已慢慢變光，黎明來到

「九叔，我地今日唔返去啦，係你到打地鋪瞓住先」啊烈跟九叔說

「冇問題」九叔點頭

「呵～攰到散曬」啊武打個呵欠，伸個懶腰

「唔瞓返十幾個鐘都補唔返」英叔捶打自己的後腰





回到家後，大家都馬上倒頭大睡唔啊武他們隨便鋪了兩張墊就攤睡在上面

在我們「沉睡」的期間，夢晞來過敲門，但我們沒人聽到，所以她就回去了

「沉睡」約二十小時後，我是第一個醒來的人，我坐起來，我醒來的原因是手機連續響了好幾次，我拿出手機看看，是信息通知

「你被加入群組《好耐冇見同學會》」

「喂！咁多年冇見！學校嚟緊五十週年會有畢業生聚會喎，不如一齊返去聚下」是班長王迪傳來的信息





「好喎！好多年冇返去啦」

「真係好多年冇見啦！！」

「大家過成點啊？」

「唔知學校有冇變呢？」

「唔知會唔會認唔到你地呢？」





「邊有咁誇張啊！我地畢業個陣都十八歲啦！樣都唔會點變」

「老咗！」

「個群齊人未啊？」

「未啊，有啲人轉咗電話，未搵到佢地」

「咁個聚會係幾時啊？」

「嚟緊個星期五晚，七點」

「咁突然嘅？」

「姐係兩日後？」





「不如著返校服返去啊！！！」

「嘩！！正！！」

「死啦，唔知擺咗去邊添」

「我驚唔啱著咋」

是一輪轟炸式的信息

「唔係掛，校服？」其實我對這樣的聚會沒太大興趣

不知是不是我起來的動靜太大，啊武啊烈也醒來了





「咁快訓醒？」啊武問我

「比電話嘈醒」我回答

「啊晞啊？」啊烈問

「唔係，男班長話搞中學聚會喎」

「王...王迪？」啊烈回想班長的名字

「係，學校50週年，話返去聚下」

「好啊！返去囉！」啊武好像很感興趣

「返去睇下都好」居然連啊烈也想回去





「好，咁我覆話我地去」

「不過佢地話要著校服」我接著說

「下？！校服，我點拎？」啊武的校服應該在他失蹤的那段時間被業主扔掉了

「我都冇喎」啊烈說

「其實我都冇，一早掉咗」我笑說

「哈，咁點搞啊」啊武笑著問

「如果想去咪要買囉」啊烈說





叮！！

「會出席嘅話就係群組講聲啦，統計人數之後我同學校講返大概人數」王迪於群組說

「咁係咪去啊？」我再次確認

「去！」啊武點頭

「好啊」啊烈亦點頭

於是我在群組說

「陳天航、李梓武、張一烈會出席」

「嘩，你地三個仲係成日痴埋一齊啊？」王迪問

「呃....一時時啦」我隨便回答

「keep friend keep到咁耐，好犀利啊」

「還好啦」

去學校聚會的就這樣定了

「後日就係，咁聽日要去買校服㗎啦喎」我說

「好，咁就聽日去買啦」啊烈說

「係咪去返個間乜鬼維..維」啊武努力回想著賣校服的地方

「維多利校服！！」我跟啊烈同時說

我與啊烈擊掌

「你地咁都記得？」啊武說

「有幾難記啊」

不久後，九叔英叔也醒來了

「瞓咗咁耐，好肚餓添」英叔摸著肚說

「你唔講唔覺，我都好肚餓

「依家凌晨三點幾，有咩食？」我問

「求其煮個麵又好咩都好啦」英叔說

於是我們五個人在凌晨三點多吃了這兩日的第一餐

吃完後，英叔說

「搵人洗咗啲碗佢啦」

「英叔，你都有份食，幫手執野啦」啊武說

「死仔！教你咁多野！同我計？！」英叔看著啊武

「咁係啊嘛！」

「唔好嘈啦，我地猜！輸咗嗰個洗！」我衝口而出

「好」猜不到九叔居然會同意

1！2！3！