［打鬥/靈幻/鬼怪］《輪迴。道》/《噬魂》我由古惑仔變咗做現代道士: 199

「呃.......」他被我嚇到了

「邊個受傷？」我問那女生

她和她旁邊的同學移開一步，我才發現原來他們身後有兩人坐在地上，一男一女

我馬上上前查看他們的傷勢

「你地係點整親？」我問





「啱啱混亂嗰陣，比人推咗落樓梯」女的回答我

「好」我點點頭

「咁你呢？」我望向受傷的男生，他面色蒼白，額頭有一串串汗珠落下

看表徵就像是我擔心的事情

「啱啱....比發咗癲嘅同學𢱑到，依家好頭暈」他說





果然....

「比我睇下個傷口」我說

他轉身用背對著我，拉起衣服，露出了一道抓痕，傷口經已發黑紅腫

「整親幾耐？」我問

「都成日㗎啦」剛剛敵視我的男生搶答





「我問你？」我不屑的看他一眼

「你....」他被我氣得鼻孔都快出煙

「算啦啊傑，唔好同佢嘈啦」剛拉我進來的男生發聲

「你地困咗係學校幾多日啦？」我站起來問他

「都兩日㗎啦」他說

「成件事係點發生？」

「個日我地上上下堂學校個廣播突然開着咗，話有幾個傻佬衝咗入嚟學校襲擊工友，叫我地鎖好課室門窗，之後嗰個就傳出一聲慘叫， 老師叫我地唔好走開留係課室等佢返嚟，但佢一去冇回，之後我地試過出去睇下發生咩事 ，點知一出到去就發現校工同老師都好似發咗癲咁襲擊我地，所以我地就返咗入嚟，一直匿到依家」他詳細的說明事情的經過

「你叫咩名？」





「我？我叫梁天焯」他說

「焯....」我腦海想起一個人

「下？」他呆了

「你過嚟幫一幫我手」我走到受傷那男生旁

「要幫啲咩？」他問我

「 幫我掩住佢個口同捉實佢」我說

「下？！」他愕然一下





「快啦！」我用命令的語氣

「係...係！」他這才反應過來

「點解要捉住我啊？」受傷的男生生怕我害他一樣，反抗起來

「捉實佢對手同掩實佢把口！」我自己則用腳把他壓在地上

然後在袋裏拿出糯米，灑在他的傷口上，傷口馬上冒煙！！

「唔！！！！」他發出疼痛的叫聲，幸好我叫梁天焯捂住他的嘴巴，他痛得淚水狂飆

「喂！你做咩啊？！」那個叫啊傑的男生想阻止我

「你想救佢就唔好嘈」我看著他





直至糯米沒再出煙我才鬆手，敷在他身上的糯米都變成了黑色，如果我沒猜錯的話，應該是屍毒吧

希望還救得了他吧....

「點..點解....會咁嘅？」梁天焯問我

「你對佢做咗咩啊？」啊傑捉著我衣領

我一掌推開了他

「依啲係屍毒，我用糯米幫佢清除身體入面嘅屍毒出嚟」我解釋

「屍毒？你講咩啊？」梁天焯對我的態度也明顯有變





「睇嚟你地仲未知出面嘅係咩嚟？」我冷笑一下

「咩咩嚟啊？咪我地發咗癲嘅老師同其他同學囉！」啊傑再走近我

「出面嘅係殭屍，當然，信唔信由你地」我背起背包，拿起鐵鎚

「你地係到等我一陣」我走出班房門口

走廊的殭屍都不見了，應該是去其他樓層了，我走到欄杆边，拿出爆破符，灑下操場

呯呯呯呯呯！！

一陣爆炸聲響起

「啊！！！」身處不同樓層的殭屍們聽到爆炸聲都蜂擁到操場，更有些直接從樓層跳下

大約三十秒後，我大叫

「如果仲有人匿埋嘅話！依家即刻由前梯上嚟三樓！！動作要快！！」

說完後，我再灑多幾張爆破符到操場，然後跑到前梯，接應上來的學生

但我就猜到沒那麼順利，率先跑上來的不是學生，而是殭屍