［打鬥/靈幻/鬼怪］《輪迴。道》/《噬魂》我由古惑仔變咗做現代道士: 220

「豆丁！豆丁！你去咗邊啊」我到處張望，尋找豆丁的身影

然後，無數的豆丁從旁邊的樹裏飛出來，他們就像漆黑中的螢火蟲，成群結隊的亮著綠光在天上飛翔

「好靚...估唔到無常異境都有啲咗靚嘅野」我慨嘆，由進入無常異境到剛剛遇到的都是驚險的事，只有遇見豆到們後才算放鬆一點點

突然，幾隻豆丁飛到我剛剛被樹割傷的手臂上

「你地做咩啊？」我看著他們





「哈～嘻！」我還是聽不懂他們在說什麼

但神奇的事情就發生了，我手臂上的傷竟然痊愈了

「哦～原來係你地救返我嘅！」我笑著說

「哈！哈！」

這次我猜到他們說什麼！是說「係啊！係啊！」





「唔該曬你地啊！」我向他們道謝

「唔洗客氣～」一把老人家的聲音傳來

「邊個？！邊到？！係邊？！」我到處張望都看不到有人的影蹤

「我係依到」那聲音再次出現

「係邊啊？」我還是看不到他





「上面啊」

我抬頭望向，是一隻巨型版的豆丁，雖說是巨型版但其實也只是我手掌般大小，留著長長的鬍子，手裏拿著一枝木製權杖

「點解你識講人話嘅？」我友善地問他

「我？我冇講人話啊」他笑說

「下？點會冇啊，你咪同我講緊野囉」我摸不著頭腦

「我由始至終都冇出過聲」他繼續笑說

「下...唔明」我傻笑著

「我同你係心靈上嘅溝通，所以我唔需要識講你地嘅語言」他說





「哦～唔怪得啦！明明你地個個都係嘻嘻哈哈咁講野，係呢！點解你特別唔同嘅？」我問

「我係佢地嘅長老，經已五千幾歲㗎啦」他摸著自己的鬍子

「五千幾歲？！咁我咪要叫聲你伯伯！」我笑說

「跟佢地叫我長老就得㗎啦」

「好啊！長老，咁你地其實係咩嚟㗎？」

「我地？我地係精靈」

「精靈？原來精靈咁樣嘅」我默默點頭





「同你想像中唔同？」他問

「係啊，我地人類有想像到好多唔同款嘅精靈，我諗得小飛俠裏面嘅小仙女最符合你地嘅形象」我第一眼看到他們就想到小飛俠裏的仙女

「呵呵～我地可以幻變成其他樣嘅，不過講返正經野先～」

「係，咩事？」

「你嚟依到有咪有重要野要做㗎～」他問我

「啊！係啊！！我嚟依到係要搵紅龍㗎！」我這才想起我來的目的


「我地一早已經知道你嚟嘅目的，所以我地帶你嚟咗依到」他說





「紅龍就係依到？」我興奮問

長老舉起權柺，指著森林的更深處

「佢就係入面？」

「係就係，不過可唔可以遇到就睇緣份啦」長老說

「好！」我轉身走往森林更深處

長老在背後看著我，口裏默默說著

「你係我地族群見過最單純嘅人類之一，希望你地可以成功通過」

之後長老就消失在樹林裏面





「紅龍！」我高呼

「紅龍！！你係咪到啊？！」

「唔該你出嚟啊！！」

但都沒有得到回應

「係咪真係係到㗎，長老冇理由呃我㗎喎....」我無奈的說

我再繼續前行，發現有一條十分粗壯的樹幹橫攔在路中心，而且上面還畫著一個符咒，我完全看不明白

「會唔會有伏㗎....」我看著那符咒

我拾起一旁的石塊向樹幹後的方向擲去

啪！

那石塊在半空好像撞到牆壁一樣，反彈回來了

「咁神奇？！」我走到樹幹前，將手伸向它背後，但又沒有被擋住

我退回兩步，再用石塊擲多一次，結果還是一樣，石塊同樣被彈回頭，不理了，反正沒擋住我前行，我蹲下，穿過樹幹，繼續前行