［打鬥/靈幻/鬼怪］《輪迴。道》/《噬魂》我由古惑仔變咗做現代道士: 222

「一命....換一命？咩意思...」我疑惑的問

「咩意思？咪就係一命換一命嘅意思，我可以跟你返去救你朋友，但...要搵另一條命嚟換」

「呃....」我遲疑了一下

「猶豫？咁算啦」老伯轉身

「等陣！」我叫停他





「嗯？」他回頭看我

「係咪只要我用條命嚟換，你就肯救我兄弟」我再次確認他的條件

「係，一言既出、駟馬難追」果然是老伯，說話十分老土

「好！」

之後，他就化為龍形鑽到我身體裏，在他鑽進來的一刻身體感受到前所未有的感覺，渾身充滿力量，但突然！！





我右手肩膀的斷手處極為疼痛

「啊！！！」我倒臥到地上，左手按著肩膀

「咩事啊！！啊！！」我痛得冷汗直流

肩膀的骨骼和肌肉都好像不斷被撕裂一樣，直至斷手的位置長出了一條肉苗，疼痛才緩緩減少

但...這又是什麼啊...





「嗄...咩事啊....」

肉苗不斷的在膨脹、生長，慢慢幻化成手臂的線條

「點解嘅？！我隻手.....」我若驚若喜的看著剛長出來的那隻手

我嘗試控制它，但只能夠輕微的郁動，而且充滿着麻痹感，刺刺的

「依隻手係我借比你，你自己好好運用」那老伯的聲音在我心裏迴盪

「咁咪即係龍爪？」手開始能控制正常活動，我握緊拳頭，一股金黃色的龍氣冒出

「不得了」我慨嘆的說

我看著「自己」活動自如的右手，眼淚不禁流下





成功找到紅龍並跟牠達成了協議，我也該盡快回到人世，不知人世又發生什麼事

離開前，我去跟精靈長老道別

........


「就成件事係咁啦」終於把事情都說完

「咁你救咗啊航.....即係...」啊烈看著我

「我都唔知幾時㗎，睇紅龍老伯幾時想要我條命啦」我傻笑著說

「你仲笑得出？」啊烈問我





「有咩所謂姐，跳落山崖個一刻我都預咗自己死梗㗎啦，依家仲可以救埋啊航，有咩唔好姐」我豁然的說

「你真係樂觀得有啲恐怖....」十方搖頭

他們二人都明顯有點失落

「喂！唔洗咁喎，我自己都冇野，你地反而咁樣」我搭著他們二人

「唉...」啊烈搖頭


———————《啊武篇完》———————







《啊航視覺》


「嗄......」我從床上醒來

「我..瞓咗幾耐啊....」我意識還是很模糊，但我清楚自己是在無極門

我腦海裏閃過昏迷前的景象....

「九叔！！」

九叔為了救我，用自己作為交換，被張天捉走了！！

我扶着旁邊的東西站起來，一拐一拐的走到大廳，拉開布幕，我看到啊武正搭著啊烈十方二人





「九叔點啊？」我從他們背後說話

「啊航？！你醒啦！！」

他們向我衝來，扶著我

「你覺得點啊？」啊烈問我

「冇乜野...係有啲頭暈」我說

「係咁㗎！上次我都係咁，不過好快冇事㗎啦」啊武說出他的經驗

「唔好講依啲住，英叔呢？你地有冇去救返九叔？同埋點解唔見天玄叔？」

我實在有太多事情想問

「呃......」啊烈支吾以對的

啊武和十方的表情又顯得怪怪的

「發生咩事啊！」我焦急的問他們

「係咁嘅，你個日暈咗之後.....」啊烈交代了我昏迷後的事情

「.......」聽完後，我說不出話，一股空前的絕望感咁湧上心頭

「點解....點解唔肯放過我地」我心中的仇恨也逐漸再膨脹

「不如你去睇下英叔先，等佢知道你醒返」啊烈提議

「好」

現時，英叔正在房間休養

「英叔」我在門外敲門

「啊航？！入嚟啦！」英叔開心的回應

我推門進去

「你點樣醒返㗎？！」英叔緊張的問我

「啊武個死仔係無常異境搵到紅龍，仲同紅龍形神相合，所以佢可以隨時召喚紅龍出嚟」

但我並不知道啊武跟紅龍一命換一命的協議

「太好啦，你地個個都青出於藍...」

「你點啊？」我問他

「冇咩嘅，年紀大，要啲時間先回到氣姐」英叔硬擠出笑容

「放心，九叔嘅事，交比我」