如是者,我們跟英叔交代一聲後就跟着秦王出發

「我始終唔信依條老野會咁好死幫我地」十方輕聲的跟我說

「喂啊,你唔好咁大聲啦,佢聽到㗎」我為免場面尷尬,馬上叫停十方

「係啊,朕聽到㗎」秦王走在前說

「呃...聽到又點啊,我係咁覺得啊」十方說





「隨你喜歡,朕做野唔需要得到你嘅認同」秦王說話時沒有回頭,更沒有動氣,顯出他的氣量

啊武突然走到秦王旁邊

「秦王啊,聽講你好打得㗎喎,可唔可以過我兩招啊」

「依家嘅你,應該唔洗朕教啦」秦王對著啊武笑說

「我喎,有咁犀利咩?!」啊武驚訝





「要學識好好咁運用自己嘅能力」秦王說

「好...」但啊武此刻心裏想的是不知道自己還有有多久的壽命,不知道紅龍何時會奪走自己的性命

「啱啱個句說話唔係講比佢一個人聽,係講比你地咁多個聽,好好認清自己嘅能力」

「好」我跟啊武回答,十方則蹺起雙手

而這刻,啊烈沉默了





「啊航有極強天賦,啊武同紅龍形神相合,十方有高強靈力,靈器護身....咁我呢...」啊烈心裏想著,想著自己會否成為負累

......

跟著秦王前行,沿途都遇到不少殭屍,但基本上秦王輕輕一撥就把他們弄飛

「一代不如一代」秦王不屑的說

我們跟著秦王來到了中環

「佢地大本營係中環?!」啊武驚訝的問

「嗯」秦王點頭

我們抬頭一看,這大樓的名稱是





「段氏集團中心」

「又係段氏?!」我說

「上次都係段氏...」十方跟啊烈說

「所有野都係段天同張天搞嘅鬼」我看著面前這大樓

「就係因為佢地兩個人....就搞到香港咁樣」

「要記住,我地今次嘅行動主要係救返張九,唔需要同佢地正面交鋒」秦王說

「喂!等陣!」聲音不是我們一行五人的聲音,是從後方傳來的





我們回頭看去,聲音的主人坐在一輛廢棄的車輛上,拋玩著一把黑色戰斧,身穿紅色長皮褸

「我勸你地唔好入去啦」那人從車上跳下

「你係...」我正想他是誰時

「陳鯨,你係到做咩」啊烈卻搶了一步說話

「烈,你識佢?」我問

「做過一陣同伴啦」啊烈冷笑

「我?我坐係到好耐啦」那個叫陳鯨的說

「咁你坐係到做咩?」啊烈問





「我係跟蹤個女人嚟到依到」陳鯨說

「媚娘?」啊烈表情輕輕一變

「係掛,總之就係上次好冧你嗰個啦」陳鯨笑說

「呃.....」啊烈沒說話

「咁你跟蹤佢地發現到啲咩?」我問

「我發現佢地會不斷捉術士返嚟,唔知做啲咩」陳鯨縮一縮肩膀

「咁你要唔要同我地一齊入去?」啊烈問他





「我啱啱先勸你地唔好入去喎,你點解覺得我會陪你地入去?」陳鯨笑說

「唉,精石全部歸你」啊烈無奈地說

「得,入去啦」陳鯨笑得開心

「精石?」我一頭霧水的問啊烈

之後啊烈就將他跟陳鯨的經歷和精石的事都告訴我們

「啊烈唔該你幫我照顧洛兒」我聽完後跟啊烈道謝

「我同你唔洗講咁多啦」啊烈看著我笑說

「咁我呢?」啊武突然插嘴

「呃...當然你都係」啊烈被啊武的插嘴弄到呆一呆

「請問,可以入去未?」秦王一臉不耐煩的問我們

「唔好意思!行啦!」我連忙上前

就這樣我們一行五人變成一行六人
已有 0 人追稿