「幾時嘅事?」

秦王已幫天玄叔抑制了屍氣,暫時能令天玄叔保持理性,他們二人坐在天台的邊緣,秦王問著天玄叔

「我地第一次見面個陣已經係咁,只係個陣我自己仲控制到」天玄叔苦笑說

「朕幫唔到你幾次,你嘅屍毒基本已經散遍全身,冇得救」秦王一臉嚴肅的說著

「我一早就知,捱得幾耐得幾耐」





「點解你唔自我了斷?貪生怕死唔似你」秦王蹺起雙手,抬頭望向天

「應刧」天玄叔簡單的說出

「咩刧?」秦王問

「依個刧唔係我一個人嘅事,係關乎到整個世界,我唔知你今次出關到底有咩目的,但你唔可能置身事外,依個刧你會係好重要嘅一環」

「朕都關事?朕已經係唔屬於天地人三界,眾生六道以外嘅生物,理應所有野都唔關朕事」秦王不解





「關,因為我要你應承我一樣野」天玄叔嚴肅的看著秦王

「講」秦王皺一皺眉頭

「如果我變咗殭屍一定要殺咗我」天玄叔說完後就回復輕鬆的表情

「好,我會」秦王點點頭

「不過到時可能係我殺咗你」天玄叔笑說





「睇下點」秦王也一笑

「但,係一個咩刧?」秦王問

「詳細我都唔知,但我算到幾個重點人物」天玄叔說

「邊個」

「我、你,陳天航、萬十方、李梓武、張一烈、張九、張英、陳鯨、張天、段天」

天玄叔說出他算到的天刧中的名字

「咁,睇嚟已經齊人」秦王說

「係,但之後點發展就睇個天」天玄叔指一指天





「睇佢?哈,咁一定冇好野」秦王笑說

.......


「就係因為一個承諾?」屍化天玄叔腦海裏沒有這段記憶

「你唔會明」秦王苦笑

「咁多年嚟,能夠同朕交手而不分上下嘅人,得萬天玄一個,佢同朕就好似正面同反面咁,所以,你唔配做萬天玄」

秦王舉起劍指向天玄叔

「我地又見面啦,哈哈哈哈」是羅東的聲音





我轉身望向他,兩天不見,他...變得更畸形了,眉骨突出,雙眼變得全紅,長出了滿口獠牙,全身都佈滿了青筋

「點解你越嚟越核突」我跟羅東說

「依個只係等價交換姐!!哈哈哈哈!!我用外表嚟換取力量!!值啊!」羅東仰天大笑,然後雙手燃起了火焰,向我衝來

「我睇下你換到幾多力量!!」我也上前迎戰

「上次咁多人都打唔贏我,今次得你一個!哈哈哈!送死!」羅東笑著說

我沒理會他,拿出符紙,然後左右飛出

「龍神敕令,水神陰姬借法,流!」





急流從兩邊湧出

「少少水難到我咩?!」龐大的羅東無視洶湧的急流,繼續舉步前行,但我的目的本來就不是要用水對付他,水流逐漸停下

我跑一段路後向前飛撲,在地上滑向羅東,羅東伸手想捉住我,我雙腿一撐,加快了滑行的速度,在羅東雙腿間滑過,到了他身後

我邊解開手上的捆仙索,飛索到他頸上,滑行的衝力加上我自身的力量,成功把他拉倒在地

嘭!!

「五行速現,土!」我唸出咒語

隨即一塊巨形的大石憑空出現在羅東的上空,並急速下墜,倒地的羅東見此想舉起手作防護,我當然不會讓他得逞

「結!定!」





結界箝制住羅東的手,但不到一秒就被它掙開了,我即刻得到了英叔的功力加持,力量也終結不是羅東的一個層次

「結!!」

「結!!」

「結!!」

.....

我連續定出十數個結界
已有 0 人追稿