［打鬥/靈幻/鬼怪］《輪迴。道》/《噬魂》我由古惑仔變咗做現代道士: 314《第二季》

「你到底….」英叔也開始疑惑，到底眼前這個人是不是真的是自己

「我要講嘅係咁多啦，自己執生啦張英」那人轉身，慢步離去

「喂！你真係我？」英叔大叫

那人舉起手，揮一揮，就在轉角處消失了

「嘩….」英叔整個人停下了一秒





「如果佢真係我，咁我都真係幾型㗎喎，個背景滄桑到呢」

英叔興奮的在「自我陶醉」

「哎啊！搵妹頭啊！」英叔這才想起自己的任務，重新投入任務

而英叔不知道，葉靈其實就在自己的不遠處

葉靈虛脫的躺在地上，她朦朧中看到了…她自己





「點解你會係到㗎」

「你….」葉靈疑惑

「葉靈」

「你係我？我係咪發緊夢啊….」葉靈意識虛弱

「未有咁早，你要起身㗎啦」





「我好攰….」葉靈閉上眼睛

「你依家放棄，就冇之後嘅我㗎啦」

「冇就冇啦…」這一刻，葉靈閉上眼睛，打算放棄自己的生命

「咁，陳天航呢？你見到佢未」

葉靈聽到陳天航三個字後，重新打開眼睛

「陳…天航….未…我唔知佢會唔會出現」果然她是還沒知道我的名字就是陳天航

「佢出現咗㗎啦，只係你未知」

「出現咗…？」葉靈慢慢閉上眼睛





「唔好瞓啊！葉靈！」

「葉靈… 」

葉靈…….葉靈…..葉靈…葉靈！！！

葉靈再次張開眼睛時，九叔英叔已在她的身邊，而且已經離開了異常維度，不過還在結界之中

「我地…」葉靈到處張望

「我地出咗嚟啦」英叔跟葉靈說

「你地搵到我啲符？」葉靈問





「係我發現㗎！醒目呢！」英叔露齒笑，等待葉靈的讚賞

「係，不過有啲人未睇清楚就搣啲符落嚟，搞到要分頭行事」九叔有意的裝作無意地說出

「你係咪撩交嗌啊」英叔捲起衣袖

「嚟咪嚟！」九叔看到英叔的動作，他也跟著捲衣袖

「好啦好啦！！我啱啱先醒返，你地唔可以比我休息下咩？」葉靈這樣一問，兩老都停下了爭吵

見兩老真的完全不說話，葉靈又怕

「你地係入面有冇見到…自己？」

英叔聽見葉靈這樣一說，馬上轉頭望向葉靈





「有啊」猛然地點頭

「你都有…咁九叔呢？」葉靈問

九叔搖頭

「自己？」

「係啊！佢仲同我講野添啊！好有型㗎」英叔興奮的說

九叔以為英叔又在說廢話，正想反白眼時，英叔早就猜到九叔不相信自己，所以從箭袋拿出那支被「自己」攻擊的箭

「嗱，證據」英叔將箭遞給了九叔





九叔呆了一下，才接過箭，拿著箭細心的研究

「嗯….依支箭的確同你啲箭一樣，但又有啲唔同」九叔開始相信，他們口中的看到「自己」

「我都係我「自己」口中知道我夢入面嘅人叫咩名啦」葉靈一說，兩老都把眼視放到葉靈身上

「你由細到大都發緊嗰個夢？！」英叔問

「係」葉靈點頭

「叫咩名？」九叔發聲

「陳天航」葉靈說

但其實不是她「自己」把這名字告訴她的，而是她在朦朧之間記起的

九叔聽到這名字後，把眼瞪大一下、但沒說出他認識我這件事

葉靈也沒看到九叔的表情

「係時候出返去」九叔拉開了話題

「都係，我地入嚟好耐啦」英叔附和

「好！」葉靈點頭，跟隨九叔的腳步出發

好快，九叔他們好快就衝破了結界回到現實世界

回到現實世界的醫院門口，這時維持一小時的日蝕也經已完結

「你地繼續守住醫院先，今日仲有排玩」九叔說

的確，日蝕雖已結束，但三破日還未，今晚還是會百鬼夜行