［打鬥/靈幻/鬼怪］《輪迴。道》/《噬魂》我由古惑仔變咗做現代道士: 316《第二季》

「有個黑社會大佬，冇放到入冰格，所以冇比你道符鎮住……」

我將整件事的起承轉合都告訴九叔

「最後好彩嚟咗個人，係佢救返我地」

「咩人？」九叔問

「我唔知啊，佢突然出現，我依稀聽到佢叫…叫….呃…佢叫閻三！」那時我正處於半昏迷狀態，要腦海裏翻尋那記憶





「閻三？你有冇聽錯？」九叔錯愕的看著我

「呃….冇啊，佢係咁講嘅，個陣隻惡鬼問佢
係邊個，佢答在下閻三」我復述剛剛的情景

「閻三爺….你返嚟做咩…」九叔低頭自語

我和啊仁對望一眼，在猜到底有什麼不對

「好，唔好理依啲住，就嚟入夜，殮房陰氣咁重，一定會吸引唔少惡鬼，依家我去辦公室幫你地調更，你地今晚留埋係到」九叔拍一拍我倆的肩膀，就往辦公室走去





「唉…今晚又嚟過….」我一聲嘆氣，抬頭仰望

「原來都幾攰㗎…」啊仁跟我擺出同樣的動作

「九叔一做就做咗幾十年」啊仁再說

「希望我地可以幫輕下佢啦」我真心希望幫助九叔，同時我自己也想從他身上學會道術

「都要佢肯教我地先得㗎」啊仁這句話帶點慨嘆





「教，今晚就教」九叔突然出現在門口，嚇我們一跳

「真係？！」我倆興奮得雙眼瞪大，一下子忘記剛剛的疲累

「我講過嘅野，我唔會唔認，你地頂到我返嚟而人又冇事，算係咁」九叔冷冷一笑

「好野！！」我和啊仁擊掌慶祝

「真係要咁興奮？」九叔疑惑不解

最後，這夜真的百鬼夜行，但有九叔坐鎮，整件事都變得輕鬆處理，跟下午的狼狽完全不能相提並論

亦因為九叔在，讓我們能平安渡過了十二點





瑪嘉烈那邊有英叔葉靈留守，也不會有什麼大問題

而其他各區的殮房、醫院、墓地都有總會派去的人守著，雖他們的能力沒九叔那麼高，但他們多以二人為一組的行動，所以也能應付


這夜過後九叔讓我們連續放兩天假，叫我們好好休息，我也趁着這兩天的空檔好好陪一下洛兒

說到洛兒，其實她不太喜歡我做這份工作，一來，始終是要面對屍體，不是每個人都能夠接受得了，二來，她覺得這份工作跟我原本的工作相差太遠，現在只是我一時興起才會這麼喜歡這份工作

我有跟她解釋過我經歷過泰國一事之後想了解多點這方面的事情，但她依然不認同我的工作

唉…這問題暫時也只能可拖就拖吧，總不能現在突然就辭職吧

所以在洛兒面前我也會避免說出關於我工作的事





「喂～你聽日想去邊啊？」這夜我們依舊在夜裏通電話

「出去玩下啦！我地好耐冇出去啦」洛兒帶點抱怨的說

「好好好～你想去邊啊？」我問她

「聽日係平日，不如去海洋公園啊！！」洛兒提議

「海洋公園啊….」這幾年我對海洋公園都不太感興趣

「好啊，你想去我陪你去啊」但我也答應了洛兒

「好啊！我依家上網訂飛先！」洛兒開心得像小孩

「咁交比你啦～」我說





「嘻！好～」

一夜好快就過去了

我一早起床去接洛兒一起吃個早餐再出發去海洋公園

一看就感覺到她的心情愉悅

「洗唔洗心情咁好啊～又唔係第一次去」

「好耐冇出嚟玩嘛！開心都唔得咩？！哼！咁我喊囉 ！」洛兒蹺起手，把頭轉側

「咁又唔好！出嚟玩緊係要開心㗎啦！！哈哈哈哈！！我好開心啊！！」





我以極大聲的聲浪來笑，引致周遭的人都看向我們

「喂啊！傻咗咩你！咁大聲！」她用手捂住我的嘴

我拉開她的手

「係啊！！我係傻㗎！！哈哈哈！！」我再次用同樣的聲浪說話

「傻佬啊！快啲走啦！好全部望住曬啦！」洛兒被我𢭃笑了

她拉著我加速的離開原地，但突然有人叫停了她

「洛兒！」