［打鬥/靈幻/鬼怪］《輪迴。道》/《噬魂》我由古惑仔變咗做現代道士: 324《第二季》

「嗯？」呂醫生疑惑

「你知道曬我地個名，但我地唔知你個名」

原來啊仁是想知道呂醫生的名字

「喂，你個衰仔唔洗曬口水」九叔出聲

「傾下計咋嘛九叔」啊仁暗示九叔別阻礙他





「人地已經結咗婚」九叔一說，給啊仁一個晴天霹靂

「嘻～係啊，我結咗婚㗎啦，不過我都會我話你知我叫咩名嘅」呂醫生笑得開心

「唔緊要..哈哈」啊仁變得有點無精打采

「我叫呂夢晞啊」呂醫生還是說出了自己的名字

夢晞….又是一個既熟悉的名字





這陣子不知道怎麼了，總是覺得有一些人、事、物很是熟悉，但明明是第一次看到、聽到

就好像有一段不屬於我的記憶藏在腦海裏面

「話時話，點解返咗嚟？你今日應該冇野做」九叔問

「本身今日放假嘅，但你地個主管係都要約我今日開會啊～咁咪要返嚟會一會佢囉～」呂醫生帶點無奈的說

「放假唔洗陪老公？下次放假就唔好理佢」九叔搖頭說道





「佢？佢係出面等緊我啦，我諗住入去講兩句㗎咋」呂醫生眉頭一跳，笑說

「我係入面等緊你啊」一把男人聲

「你入咗嚟嘅？」呂醫生轉身

「諗住入嚟等你，順便探下九叔啊嘛」

「九叔早晨」那男人跟九叔說早

「早晨，好耐冇見，你老豆點啊？」九叔回應他

「都係咁啦，孤僻」

相信這男人就是呂醫生的丈夫，看這樣，他跟九叔應該是一早便認識的





「同你地介紹啦，佢係我老公——王奇」呂醫生為我們介紹

「你地好 ，叫我啊奇得啦」那男人說

「你好，我係啊航」我回應他

「哦～原來你就係佢老公，我叫啊仁」可能啊仁追女仔的計劃失敗了，說話也奇奇怪怪的

「好啦，你快啲去搵肥林啦，嗱嗱臨搞掂走人啦」九叔對著呂醫生說話都溫柔點
，跟對著我們明顯截然不同

「好！咁我過去先」

「你留係到同九仔傾下計」





呂醫生出發前往辦公室，剩下我們幾個大男人

「依家冇咩做，坐低傾下計」

九叔居然叫我們坐下聊天，我冇聽錯吧….

我望向啊仁，一望去時啊仁已看著我，我們應該在想著同樣的事情

「坐啦」九叔應該是看到我們的疑惑

得到九叔的再次確認後，我和啊仁才敢坐下

「九叔，睇嚟佢兩個係你新收嘅徒弟喎」王奇笑說





「你明知我唔收徒弟」九叔平淡的說

「由你對佢地嘅態度，加上佢地嘅反應，一睇就睇得出啦，人嘅反應講唔到大話嘅九叔」王奇笑著拍九叔的肩膀

「你老豆真係教得你幾好」九叔欣慰的點頭

「過獎啦，不過佢依幾年身體真係開始唔好啦，成日話腳痛」王奇慨嘆道

「佢今年都應該七十有幾，而且我地呢一行，新傷舊患在所難免，佢依家仲行得走得你都應該偷笑」九叔說

「都啱嘅」王奇輕輕點頭

「你地記唔記得我上次同你地講，我地道教分邊四派」九叔轉向問我倆

「東道西樓」我說出一半





「南陽北門」啊仁說出另一半

「嗯」九叔點頭

然後再說

「啊奇係西樓派嘅弟子，佢老豆係西樓一等一嘅用劍高手」

「我都想學武器啊」啊仁說

「連九叔都讚嘅話，咁就一定係高手啦」我點頭說道

「唔好講笑啦九叔，講到用劍，邊個夠你嚟把雙劍嚟啊」

「你幾時學埋擦鞋依啲野㗎」九叔看著王奇