［打鬥/靈幻/鬼怪］《輪迴。道》/《噬魂》我由古惑仔變咗做現代道士: 346《第二季》

比賽當日

「焯啊，你真係要出場？」啊武再次問焯哥

「武，你問多幾多次都好，我嘅答案都係一樣——出！」

焯哥的徒弟為他戴上比賽的護具

「但你都見到….你啲徒弟全部都輸曬，對手真係….」啊武說到一半停下





焯哥眼神變的銳利，盯著啊武看

「你想講我會輸？」

「……你要唔要聽真話？」啊武問焯哥

「你出返去，我會贏比你睇」焯哥閉上雙眼，沒再理會啊武

「……」啊武也沒說話的餘地，所以他回到會場





看到啊武無精打采的回來，我們也猜到答案是什麼

「焯哥都係唔肯退賽啊？」啊仁問啊武

「嗯….」啊武無奈的點點頭

「咁我地唯有對焯哥有信心啲….」我也想不到可以說些什麼

「好啦好啦！今日嘅賽事都十分激烈啊！總共已經有四個拳手被KO昏迷，需要入院啊，希望佢地冇事啦！而依家！就係我地今日最後一場嘅賽場啦！」大會主持開始宣布最後一場賽事，亦是焯哥的賽事





「依一場係71kg嘅賽事，藍方嘅拳手係嚟自焯會館嘅張炎焯！！佢仲要係焯會館嘅館主啊！大家比啲掌聲！！」

焯哥踏上擋台，他的霸氣由心底裏滲出，跟其他拳手絕對不同

「而紅方嘅拳手係嚟自修羅場嘅莫逆！！」

「莫逆？！」也在會場的英叔聽到這名字後也驚訝一下

「莫逆….聽個名都知係南陽派嘅人」我說

「佢唔單只係南陽嘅人，佢係南陽嘅副掌門」本來在四處觀察的九叔突然出現在我們背後

「副…副掌門？！」啊仁驚訝

難怪英叔也會露出驚訝的表情





「洗唔洗啊…出埋副掌門…」我深感無奈

「啊焯…我信佢得嘅！」啊武眼神變得堅定，他堅信焯哥可以應付

「焯哥，一陣多多指教啦」莫逆擺出一副奸險的笑臉

「呸！」焯哥則對他一臉不屑

「好啦！賽事即將開始，助手離場！」

叮！！賽事鐘響起

比賽正式開始





「我知你地唔係一般拳手」焯哥少有的主動說話

「嗯？一般？咁就要睇下你眼中咩叫一般啦，我就覺得自己好一般啦」莫逆側一側頭輕笑一下

「最好你一陣仲笑得出」焯哥突然跳起前踢，以這一腳拉開戰鬥的序幕

莫逆後踏一步輕鬆避開整個靠在擂台的繩上，並冷笑一下

「嗯？！」焯哥聽到馬上火起

他扭腰蹬腳，以極快速度打出一記重右拳，莫逆見狀再向後發力，借助繩索的彈力順勢向前衝

「佢送頭？」啊仁不解

「唔係….佢係出招」啊武看得十分專注，並已猜測到莫逆的招式





焯哥以為莫逆真的「送頭」，他以更大動作瞄準莫逆的面頰擊去

但這樣焯哥便正中了莫逆的下懷，焯哥現時的整體重心偏向了前，莫逆低身衝向焯哥後，突然剎步轉身，背向焯哥，右手由外向上撈，剛剛好夾住了焯哥的頭和揮出的右臂

「嗄！！」莫逆一聲呼叫，腰馬發力，手用力夾緊焯哥，焯哥被莫逆來了一個過肩摔

嘭！！！擂台上一聲巨響！！

「啊….」硬朗的焯哥雖感疼痛但沒叫出聲，苦忍著

「stop！留意！依個係泰拳嘅賽事，唔可以使用摔技，再用就當你嚴重犯規」台上的拳證馬上阻止莫逆的下一步動作

「嘻～唔好意思啊，我會留意下」莫逆縮膊一笑





焯哥重新站起，輕步跳著，這樣可以緩解被「撻到痴肺」的疼痛

「喔～咁快到身」莫逆隔著拳套拍掌

這些動作在焯哥眼中盡是挑釁