［打鬥/靈幻/鬼怪］《輪迴。道》/《噬魂》我由古惑仔變咗做現代道士: 370《第二季》

啊武蹲下拾起白布帶，表情沒有一絲的喜悅，只有灰沉

「我地…係咪好衰」啊武問我

「我地係好似好殘忍…..但佢地繼續做孤魂野鬼都係無盡嘅地獄，倒不如嚟一個痛快」我看著手上的白布帶，其實心裏也是自己有點殘忍

「講得好啊」是英叔的聲音，他跟九叔來到了超市

「係依個結界入面嘅所有鬼都係怨念太重冇辦法超渡或者係已經錯過咗三次投胎轉世機會，所以死對佢地嚟講係一種解脫」英叔為我們解說





「咦！九叔你地都嚟咗啊」啊仁亦隨後來到了超市

「一個鐘時限已到，你地各自手上有幾多條白布帶」九叔沒有多說廢話，直接進入主題

我們三人各自伸自己手上的白布帶

「我兩條」啊武在女鬼身上得到兩條

「我都係兩條」而我則在樓梯、小孩鬼身上各找到一條





「我三條！嘻嘻」啊仁獨自行動後居然找到了三條白布帶

「嘩～叻仔喎，竟然比你搵到三條咁多啊」英叔稱讚啊仁

「我都係咁啱係停車場見到有兩條㗎咋！仲要個到冇乜鬼，回程個陣又係樓梯下面啲草叢搵到一條」啊仁得意洋洋的說著怎找到手上的白布帶

九叔聽到後，看了英叔一眼

「望咩姐？我唔似你啊！綁啲帶係啲鬼上面！想玩死自己啲徒弟咩！」







「係考驗、訓練、吸取經驗，從此以來都係嚴師出高徒」九叔一臉正經的說著道理

「唉….」英叔一聽到九叔開始說經就嘆氣搖頭

「武仔啊武仔，你應該慶幸我唔係咁長氣啊」英叔搭著啊武的肩膀說

「呃….哈，係嘅係嘅」這樣的話題令啊武陷入尷尬，怎麼回答都奇奇怪怪，所以只能敷衍回答就算

「訓練正式結束，如同我所講，手上最多白布嘅贏」九叔無視英叔的話

「贏咗有咩獎勵㗎？」啊仁看著自己手上的三條白布，自嗚得意起來

「冇」九叔淡淡一句，就像一盆冷水當頭潑到啊仁頭上一樣





「下……車….仲以為贏咗會有啲咩好野添」啊仁言語中帶點不滿

「贏嘅冇獎，但輸嘅有罰」九叔這時再補一句

「嘩，咁都好！起碼我唔洗罰！」啊仁又回復笑臉，心情像坐過山車一樣

「咁冇計啦，我同你要….」我看著啊武正想跟他說我們要受罰時….

啊武突然將他手上的白布帶放到我手上

「下？！你做咩啊？」我被啊武嚇一跳

「冇你幫我，我都搞唔掂隻女鬼，依兩條應該係你嘅」啊武好像毫不在意要受到懲罰一樣





「痴線，邊有咁㗎，我地一齊打贏㗎嘛，邊有分你幫我定我幫你㗎，更何況你入嚟都係為咗救我」我將啊武的兩條白布帶遞回給他

「我話比你就係你㗎啦」說完後啊武就轉頭跟九叔說「九叔，我一條都冇，要罰咩啊？」

「衰仔，你咁型得唔得㗎？簡直似足我當年啊！」英叔看著啊武

「跟你學㗎嘛」啊武向英叔單眼

「叻仔！」英叔笑着舉起姆指

「好，咁結果係啊航贏，啊仁啊武！你地今要進行多一項「特別訓練」」

「啊！唔得啊九叔！明明係我贏喎！我三條喎！點會係佢贏啊！」啊仁一聽到九叔宣布的結果就馬上極大反應的反對

「你三條，佢四條，邊個多？」九叔問啊仁





「……佢，咁但係又係你自己話靠自己實力搵到嘅！依家佢係有啊武幫手先有四條喎」啊仁對結果十分不忿

「我的確係咁講」九叔點頭

「咁咪係囉！」




「好，咁佢地兩個辛辛苦苦靠自己嘅實力對付兩隻高級惡靈得到白布帶係咪事實」九叔嚴肅的問啊仁

「係….」啊仁也只能點頭認同

「佢地兩個自己得到嘅野，點樣去分係佢地嘅事，結果就係啊航手上有四條白布帶」





「車…你根本就偏心」啊仁喃喃自語的說

「嗯？你講多次」九叔看著啊仁

「….」啊仁不敢作聲

「講啦，要講就大敢講出嚟」九叔少有的說話有尾音

「我話你根本就偏心！你不嬲都係偏心啊航㗎啦！我做到嘅你又唔讚我！啊航做唔到你就係咁鼓勵佢，根本就大細超！」啊仁不知何來的勇氣用這樣的態度跟九叔說話