［打鬥/靈幻/鬼怪］《輪迴。道》/《噬魂》我由古惑仔變咗做現代道士: 383《第二季》

「你係咪一早知班差佬會嚟！」啊烈激動的扯住九叔的衣領

九叔沒說話，只眯起眼看著啊烈

「啊烈冷靜啲先，九叔啱啱先知我地發生咩事，點會知道有警察到」啊武出手勸阻啊烈

九叔舉起手刀，一下擊在啊烈左手的肘關節，然後手一伸穿到啊烈的後背，將啊烈的手反鎖住了

「嘶啊……」啊烈單膝跪下，關節被箝制住





「你地同佢匿埋，冇我吩咐唔好出嚟」九叔用掌心推在啊烈的後背，啊烈被推倒在地

「得，佢交比我地」啊武邊說邊扶起啊烈

而啊烈眼睛一直盯著九叔

九叔雙手放在腰後疊住捉緊，從容自若的就出去面對追來的警察

「啊烈，呢個時候唔好意氣用事住啦，匿埋先啦」啊武拉住啊烈走





「我地匿去邊？」啊武問我

「雪房，我估佢地點都唔會打開雪櫃嘅」

我把啊武他們帶到去雪房

「依幾格都係吉嘅，快啲入去啦」我拉出冰格的抽屜床

「…….」由啊烈臉上也看得出他是一萬個不願意





「冇時間啦，唔知佢地幾時入到嚟」我看著他

「你驚啊？」啊仁突然說出這一句，我都不知道他是在用激將法還是純粹一說

「哈」啊烈發出一聲無感情的笑聲後，就爬進了抽屜床上

「我閂埋啦」我幫他關上

然後我們都各自找了一格藏好

現時外面的情況…..

九叔從容的走到警察面前，帶頭的便是陳一

「你出嚟，即係裏面有古怪啦」陳一指著九叔





「陳警官，請問你講嘅係咩邏輯？我出嚟裏面就有古怪，咁我入去就冇？」

「我上次已經忍你㗎啦，死老野，你唔好逼我拉你返慢慢玩啊」陳一走貼在九叔面前

「陳警官，我最都係大你十年，如果我都叫死老野，咁你身後其中幾位同事應該都準備要入去」九叔用拇指指著後方的殮房



「…….」陳一答不上話，但已氣得鼻孔也能出煙

「行開！」陳一伸手想推開九叔

手搭在九叔的肩膀上，發力，但卻推不動九叔





「呃？！」陳一錯愕

再推！！也是推不動，而九叔也只是保持著雙手放腰後的動作，依然從容應對

「嗯！！！」陳一整個人向前傾斜，九叔都絲毫未動

陳一都推得面紅耳赤，正想把手拿開時，九叔看準時機，腳踭一蹬，力傳到肩膀，肩膀一抖！陳一被震退兩步，失去重心，整個人往後倒坐

「呃…..」陳一雙手按在地，對剛剛發生了什麼還是一頭霧水

對他而言，他就是突然倒下了

「喂！你做咩啊？！襲警啊？！」站在陳一身後的林家材衝前護主，扶起陳一

「我雙手一直放係後面，請問我點襲警？」的確，九叔的動作一直保持著





「我話你係就係啦！」林家材態度惡劣

「後生仔，有啲野要講證據，我對手一直放係後面又點襲警呢？」九叔說

「呃….你膊頭襲警！」林家材硬要說出一個說法

「好，你要咁講我都冇辦法，但後面有閉路電視影住，冇得拗」九叔用拇拍向後方的天花

「…….」林家材突然也無言以對

「唔好理佢！佢咁樣阻住我地入面一定有古怪！入去！」站起的陳一命令下屬

「Yes，sir ！！」他的手下聽令前進





雖說以九叔的能力絕對可以一人解決他們，但也總不上直接下手，不然也會跟我們一樣落得被追捕的結果

九叔只好跟著他們一起進去

「同我搜！搵佢地幾個出嚟！」