［打鬥/靈幻/鬼怪］《輪迴。道》/《噬魂》我由古惑仔變咗做現代道士: 391《第二季》

「邊個啊？」啊仁問

「九叔英叔都係到，咁邊個開門？」啊武亦疑惑

「妹頭！今日咁早返嚟嘅？」英叔卻沒回答他們，熱情的走向大門

「今日啲單做曬，所以早啲返嚟」從大門進來的是葉靈

「葉靈？」我看到這熟悉身影，不禁直接叫出她的名字





「？！」葉靈聽到有人呼叫她，抬頭一看，錯愕的看著我

「點解你係到？！」葉靈問這句時，臉頰漸紅

「呃…我…我地嚟搵英叔㗎」我一時變得口窒窒

「英叔啊，你做咩唔同我講佢地今日係到啊？」葉靈盯著英叔問他

原來，自從上次我、啊仁、啊武被莫盡打傷，九叔英叔救我們回來之後，葉靈得知我就是她從少到大夢裏的那個人後，她便開始躲著我





而且我同時是九叔的徒弟，會上來練習，所以她便叫英叔每次在我上來練習都先通知她一聲，那一晚她就會晚點回家

「啊！佢地今日突然上嚟，我一時唔記得咗」英叔摸著後腦勺，看著葉靈傻笑

「唉…」葉靈嘆氣

「你識佢㗎？」啊仁見我跟葉靈的對話，馬上撲過來問

「啊航！你咁唔得㗎，你已經有洛兒㗎啦，仲成日識埋咁多女仔」啊武也過來湊熱鬧





「識啊，佢幫過我」我回應啊仁的問題

「你地慢慢練」葉靈跟我點一點頭，然後從我身邊走過

「Hello～我叫啊….」啊仁還舉起手想著自我介紹，但葉靈連看都沒看啊仁一眼

「洗唔洗咁cool 啊….」啊仁失落的放下手

「佢係咁㗎」對於葉靈冷酷的態度，我也是見慣了



「算啦，仁仔你冇行㗎啦，我地妹頭心裏面只得….」

砰！！一聲極大的開門聲





「張英！收聲！」葉靈站在房門，充滿殺氣的盯著英叔

「呃….我冇講野」英叔被震攝住，不敢再出聲

「喂，英叔啊，你細細聲講啦，佢聽唔到㗎」啊仁偷偷向英叔踏近一步，嘴巴不動，輕聲模糊的說

葉靈還在盯著英叔，英叔不敢說話，但他的眼珠不斷掃向我

啊仁疑惑的看著英叔，再看一看我

「哦～」啊仁似懂非懂的點頭

咻！！啪！！





一個木盒從葉靈房間飛出，直擊英叔的前額

「啊嘶！妹頭啊！洗唔洗咁重手啊」英叔蹲下，雙手不斷摩擦額頭

「叫咗你收聲」

砰！！葉靈關上房門

「嘶…..唔同你地玩啦！同你地玩會比人打嘅！」英叔站起走到沙發處，坐下

葉靈的房間內

葉靈整個人靠著門，像是僵硬了一樣

「我咁早返嚟做咩啊….」葉靈雙眼放空，面紅紅的說





「唉….唔好諗唔好諗」然後一下撲到床上趴著

「陳天航….」葉靈默默唸著

說回客廳

啊仁似乎真的看懂了英叔的意思，他把手搭著我

「啊航，你咁樣唔得㗎喎，啲女次次都比你溝曬，咁啲兄弟點啊」啊仁指一指自己又指一指啊武

「我冇喎，我好愛我女朋友㗎」求生慾極高的我，當然不會中計

「醒目啊，仲諗住你一亂講野就即刻同洛兒講添！」





「哈，我係受過專業訓練㗎」我自豪的說

這時，九叔從房間內出來

「時候唔早」九叔的意思是我們也差不多時候要走了

「好，九叔咁我地聽日見啦」

「英叔再見」

「我唔同你地講野啊，會比人掉㗎」英叔把頭轉往另一面，不看我們

英叔就是一個大細路，永遠長不大

我們三個加上九叔同時看著英叔搖頭

短暫的難苦總算過去