［打鬥/靈幻/鬼怪］《輪迴。道》/《噬魂》我由古惑仔變咗做現代道士: 395《第二季》

「呃….狗哥，咩事啊」不知情的手下顯得有點慌張

「冇事～冇事，唔洗咁緊張，幫你地增強體魄姐～」

「增強….體魄…？」一眾手下都十分困惑

而莫盡就靜悄悄的走到他們背面，從袖口飛出五根銀針，銀針皆飛刺到西狗手下的後頸，銀針全都連住一條幼幼的紅線，右手一手捉緊

被刺中的手下都像失去知覺，頭下垂，手放直





然後莫盡咬破食指，將血滴到五條紅線上，他稍稍拉高紅線，雙指一彈，血順著線流到五名手下的後頸上

「血侵魄，孤魂注，四方靈，攝！」莫盡唸出咒語

五名手下的身邊都多了一個紅色的虛影，一個人影的虛影

好快，那五紅色虛影便分別進入到五名手下體內，手下們身體一抖，雙拳握緊，雙眼瞪大但冇神，還隱約發出紅光

咒術已施，莫盡右手一拉，紅線連同銀針一併回到莫盡手上





「搞掂」莫盡收起紅線銀針

「啊～盡哥啊，我想問你做咗啲咩啊」西狗恭恭敬敬的問

「我用我嘅血做引子，吸引周圍嘅孤魂然後將怨念最強嘅五隻附咗係你啲𡃁身上」莫盡解釋

「即係鬼上身？！…..」西狗嚇一跳







「你可以咁理解，不過鬼上身係隻鬼控制人，而我施嘅附魂術就係人可以控制隻鬼，甚至唔會知道身體入面有隻鬼，而隻鬼係正常情況下唔會控制到主體，只係強化主體嘅身體，令主體有鬼魂嘅力量」

「嘩…咁咪好似美國隊長打針咁～」西狗說

「美國隊長？」莫盡皺眉，顯然不知道什麼是美國隊長

「下？！盡哥！你居然未睇過？？」西狗感到驚訝

「未，邊到得閒睇」莫盡搖頭

「美國隊長本身係一個好潺弱嘅𡃁仔，但佢係一個實驗打咗一支強化針之後就變撚咗個大隻佬，又大力又好抽」西狗說得高興

「嗯，的確附魂術係類似，驅動鬼魂之後主體嘅痛感會減少，即係冇咁怕痛，即使受咗傷都會比正常人快癒合」

「今次不得了啦，搶埋水叔個一半應該都冇難道啦～」





「不過！你聽實！一定唔可以比佢地頭頂長時間照到月光」莫盡嚴肅的叮囑西狗

「收到！但點解呢」西狗好奇一問

「依家係佢地身體入邊嘅係怨靈，唔係普通嘅孤魂野鬼，佢地進入咗人體之後就會有吸取能量嘅能力，如果比班怨靈吸到過量月光，咁主體就會控制唔住班怨靈，到時就手尾長」

「得！冇問題！咁如果幫佢地戴頂帽得唔得呢？」西狗再問

「得，只要唔係直接照射到就得」莫盡說

「好！」

「冇咩事，我走先，有咩再打比我」莫盡說完後便瀟灑離去





莫盡離去後不久，西狗那五名手下便回復意識，他們都不記得發生什麼事，而西九也沒打算告訴他們，只叮囑他們晚間外出時一定要戴上帽子

莫盡離開後西狗的大本營後，就徑直的去到銀行兌現西狗給他的支票以及過了一筆錢到一個戶口

步出銀行後，莫盡拿出電話撥通

「喂～凱祺啊」莫盡用極溫柔的聲線說話

「做咩啊」但對方的態度卻不怎麼好

「我啱啱過咗筆數比你啊～你睇下收唔收到」而莫盡則繼續用溫柔的態度

電話對頭靜了幾秒

「嗯，收到啦」





「咁就好啦，依排凍啊，你記得….」

「唔講啦，bye」對方一下便掛斷電話

「…..唉」莫盡無奈的搖頭

然後雙手插袋，頭耷耷的漫行