［打鬥/靈幻/鬼怪］《輪迴。道》/《噬魂》我由古惑仔變咗做現代道士: 397《第二季》

「哈哈哈！！！」一陣狂笑聲從通風管道傳

「依把聲…我聽過」還呆站在原地的啊仁說

「係個日…..冇封眼個黑社會大佬把聲！」我突然想起

「哈哈！我講過！我卓斌唔會係魚毛！！」聲音在解剖室迴盪







「卓斌？航，你唔係話閻三收咗佢咩」九叔問我

「呃….係啊，個日我暈之前係聽到閻三個名，朦朧之間見到佢收咗卓斌㗎」我確實是這樣記得的

「咁即係閻三出咗問題….」九叔似是自言自語，但聲量我卻能聽見

「嗚哈！！」一團黑影從通風槽缺口降下

「孽蓄，你係點走甩」九叔站在黑影前跟他對峙





「哈哈哈！！走甩？！我卓斌想走就走！冇人阻到我」卓斌的虛影愈化愈大

「佢好似勁過之前」見識過卓斌在三破日時發難的我說

「佢唔係一般級數嘅怨靈，應該話佢唔再係怨靈」九叔回應我的話

「我卓斌當然唔係一般嘅鬼！我要做就做最勁嘅！哈哈哈！！」卓斌的聲音不像是一個人的聲音，需是有十數人同時在說一句話，但只是卓斌的聲音做主導

「最勁？唔好意思，有排都未到你」九叔從袖裏抽出金錢劍，然後從口袋拿出一道黃符，貼到劍上





「三七開！劍鋒露！」

金錢劍一下子像被注滿力量，每一個銅錢都變得光澤亮麗

九叔把劍揮斬向黑影，黑影卻像煙霧般散開，無視九叔的攻擊，九叔見攻擊無效，馬上後跳，拉開距離

「哈哈哈！我比條老野捉住個陣已經吸曬同我困埋一齊嘅怨靈！！依家我唔會怕你地㗎啦！」卓斌自己說出他實力倍增的因由



「就憑你可以你閻三手上走甩？哈！笑話」九叔諷刺

「啊！！你收聲！」卓斌的虛影向九叔衝去

九叔不急不忙的拿出一疊符紙





「天地玄門，困！」

九叔用符紙在半空畫出了一個圓，形成類似符盾的東西

「擋我唔住㗎！」卓斌自信的直衝，撞上符盾

卓斌本以爲符盾只是九叔用來抵擋他攻擊用的，但當他撞上符盾的一刻，符盾上突然憑空出現了十數條用氣形成的「鐵鏈」，把卓斌給纏住了

「嗄！？」卓斌錯愕

「治伏羣邪，誅、鎖！」九叔伸直雙手拍掌

本來纏住卓斌的「鐵鏈」咔咔咔的收緊，把卓斌包得像一個鏈珠





「放開我！！」卓斌仰天咆哮

「有本事，自己走」九叔擺出手印

「乾坤八極！布！」

符布從九叔的袖口飛出！把卓斌包裹住了

「然後九叔再從腰間拿出一個黃布袋，咬破手指，用血在布袋上畫出符咒，再將袋口對著卓斌

「血脈。咒，收」

咒語一出，布袋口釋出極強的吸力，把卓斌吸進了布袋內

「嗚啊！！！！」但依然能聽到卓斌的怒吼





九叔單手拿著那不停蠕動的布袋，額前稍稍流下一滴汗

「嘩！！！九叔！你好型啊！！」啊仁由躲藏的地方站起鼓掌

「魚毛蝦米，不值一提」九叔說

「九仔…..你平時講嘅野係真㗎….」夢晞還是躲在我的身後

「一早講過，你唔信我」

「咁…咁好難信啊嘛，依家咪信囉」夢晞鼓起面頰

「九叔，咁我地依家要點樣處理佢？」我指著布袋





「佢去到依個地步已經超渡唔到，直接燒咗佢」

九叔想拿出符紙把布袋燒了，但突然布袋發出了撕裂的聲響

「嗯？！」九叔錯愕

「放開我！！！！」卓斌的聲音變得更奇怪，多了一把尖銳的女聲跟卓斌一起做主導聲

撕啪！！布袋正式裂開

「散開！」九叔一叫，我們馬上貼牆而站

布袋飛脫九叔的手，飛到冷藏室的正中央半空

逢！！