然後英叔將紅線往傷口處拉,王奇前臂上瘀黑的地方離奇的化成了黑煙被紅線逼被走

「嘶….」王奇眉頭皺緊,咬牙硬撐疼痛

紅線一直退到傷口處的時候,從傷口裏飛,而九叔亦在側旁等候多時,他用一疊黃布袋把黑煙包住了,之後再在布袋上用血畫上符咒,把黑煙給封住了

最後用符紙,一把火將布袋燒了

「可以送佢去醫院」九叔把布袋處理後,便跟我說





「好,即刻去!」我和啊仁合力將王奇扶起,將他的手搭在自己的肩膀上,把他接近抬起的行

「唔好…同我老婆講….」王奇迷迷糊糊的說出話然後便昏迷過去了

「依個時候今日仲掛住個老婆」啊仁笑王奇

「你識咩啊,女朋友都冇,人地叫深情啊」我挖苦啊仁,同時也是在讚美王奇

「死仔!講還講唔好人身攻擊!我唔係冇女朋友,我係唔要姐!」啊仁反駁道





就這樣,我們把王奇送往醫院,殮房的爛攤子就靠九叔處理



「唉~人就搞掂啦,依到就有排搞啦…」英叔無奈的嘆氣,但心底裏其實也是鬆了一口氣

「唔好咁多廢話,快快手執好啲野」九叔拍了一下英叔的頭

「嗱!唔好郁手郁…」





「呃…..我諗你地最好嚟睇下」英叔說到一半時,被葉靈截住了

葉靈指住一個方向

「佢去咗邊啊?!」英叔看後驚訝

原來是水叔的屍體不見了影蹤,亦即是卓斌他倆逃跑了

「追!」九叔往外跑去

「妹頭!比個羅庚我!」英叔邊跑邊將手伸向後

英叔拿著羅庚探測雙生靈的去向,羅庚大分為八個大方位,「卯」代表東方,以「午」代表南方,以「酉」代表西方,以「子」代表北方,以「巽」代表正東南,以「坤」代表正西南,以「乾」代表正西北,以「艮」代表正東北

「九!卯啊!」英叔指著東邊的方向





九叔根據英叔指的方向追往

「等陣!𢁉!」英叔又指向另一個方向

最後….他們跑到葵芳新都會廣場都還是沒有追上雙生靈的腳步

「嗄…..點?邊一邊?」九叔有點喘氣的問英叔方向

「….嗄…羅庚冇料到….追唔到」 相反英叔已快撐不住的靠到一旁的欄杆喘氣

「嗄…有冇走得咁快啊….要我依啲老野一口氣跑咁遠….攞命咩」英叔雙手手肘撐著欄杆

「做咩停低嘅?」葉靈慢一步才到,但她並沒有像他們一樣氣喘吁吁





「追唔到…」英叔無奈的說

「咁點算啊?!比佢走甩咪死得人多!」葉靈緊張

「嗄…我一陣會報上公會,叫其他人留意,返去殮房先」九叔說

「咁好啦…」追不到雙生靈,葉靈心裏有點不甘




「你點啊?」葉靈走到英叔旁邊扶著他

「冇事!嗄….邊會有事,嗄…跑幾步咋嘛,當年我啊…嗄….跑足幾個鐘都冇事啊…」英叔死撐著





「係啦係啦英叔,你留啖氣啦」葉靈拍著英叔的背脊

「唔係呢…妹頭…嗄…我真係…」

街道上的另一頭

「嗄…嗄…我地去邊好啊?」

「我都唔知啊!」

「嗄…我地要搵個地方匿埋」

男女聲不斷交替對答,正是雙生靈附身的水叔,「他」跌跌撞撞的走著 

啪!!在轉彎處跟一路人撞上了





「嘩屌!行路唔撚帶眼㗎?!」被撞到的人大罵

「嗄…」身受重傷的「水叔」倒地

「水叔?!」被撞到的人原來也是皇圖的成員,但職級較低,所以還沒收到水叔已被偷襲致死的消息

那人馬上把「水叔」扶起

「水叔唔好意思啊!係我唔帶眼,撞親你老人家」

「你識我?」雙生靈問他

「識!點會唔識水叔你啊!簡直偶像啦!」嘍羅見有機會立刻施展阿諛奉承的本領

可惜他並不知道,任他說話的本領有多高也沒用,面前的人叫根本不是水叔
已有 0 人追稿