［打鬥/靈幻/鬼怪］《輪迴。道》/《噬魂》我由古惑仔變咗做現代道士: 420《第二季》

「唔同咗樣嘅？」張三更是不解

「張三兄弟，佢只要穿過人身體就可以讀取到嗰個人恐懼同喜歡嘅人，所以好易比佢影響心神，小心應付」王柱提醒張三

「咁麻煩㗎，好彩我冇驚嘅人㗎姐」張三自言自語的說

「每個人都有自己恐懼同喜愛嘅野～」女妖妖媚的說

「唉….點解個個都咁順利，得我咁麻煩㗎！」張三揮動手上的氣繩衝向女妖





「咦～衰鬼，原來你中意玩依啲嘅～」女妖掩著嘴笑說

「你好煩啊！」張三衝到女妖面前，跳起！

咻！氣繩像鞭一般揮向女妖

「咦！溫柔啲啊！」女妖側肩避過然後雙手伸出利爪

嗖！！嗖！！兩下揮爪





幸好張三反應快，他及時一個後空翻，但他的道服還是被劃開幾個洞

「嘩！你仲好意思講我？」張三後翻著地後就給女妖一腳

砰！！

這一腳正中女妖的胸前

「鹹濕佬！～」女妖化成半虛體





「女就係麻煩，怪怪地咁…」張三心裏並不喜歡打女人的感覺

就是這一下自言自語的大意，張三沒留意到女妖化成了半虛體，被她穿過了身體

「呵呵呵～又真係冇驚嘅人喎～不過我已經知道你中意嘅人係邊個啦～原來係佢～」女妖站在原地，外形又開始變化

數秒後，女妖已改頭換面…..

變成了，葉夜的外貌

「……」張三看著「葉夜」說不出話

台下的正版葉夜看到這情況呆住了，有點尷尬








而在旁的霍鎮海也看著張三愣一愣，但好快便收起眼神，專注台上的情況

「玩咩啊…」張三感覺都快要找個洞鑽進去

「你唔好咁惡啦～人地會驚㗎」女妖擺出妖媚的動作

「咦…..」張三和霍鎮海都看得打個冷震

「好核突啊！」張三拿出數張符紙，把女妖圍住

「你唔好咁對人啦～」女妖又來了

張三聽得全身一軟





「王兄，原來連你都對付唔到依隻妖係依個原因～」莫戰冷冷笑說

「哈～其一啦」王柱自己也搖頭笑道，自嘆自己的不能

「男人…都係被女色所迷」葉紫無奈表示

「哎！仲有其二！其二係依隻好似任何嘅茅山道術都有免疫咁，好難對付」王柱馬上為自己解釋

「咁神奇？我都未見識過」張帝插話

「嗯！完全冇一招可以對付到佢」

「所以你就想試下我徒弟嘅右手可唔可以對付佢」





「冇錯」王柱點頭

看回台上戰況

「靚仔～你係咪中意我姐～」女妖還在用妖媚的語氣跟張三說話

「啊！你好煩啊！收聲啦！」張三已開始被她弄得急躁

「一係你過嚟打我啦～」女妖攤開手，讓張三攻擊

「好啊！」張三舉起右手衝往女妖

「立定心鎖！定！」張三舉手在天空劃圓

然後女妖的頭頂上就出現了一個符咒形成的圓形，圓形隨後發出一道光把女妖給框住了





「你唔洗諗住郁啦！」張三得意的笑說

但…事情並不像張三預料之中，女妖輕鬆的一步跨出了符圈

張三愕然的煞停腳步

「呃….冇可能…」張三不敢相信眼前的畫面

「呵呵呵～係咩嘅把戲啊靚仔～好似冇咩用喎～」女妖得意洋洋的說

「冇可能！天地玄門，神師殺伐！」張三從道服拿出黃符，再次把女妖給圍住

「破！」張三下令

所有符紙一次過發生爆炸，台上炸出煙霧

「哈哈哈～靚仔啊靚仔～你好似唔夠上面個老野犀利喎～」女妖把頭看向遠處的王柱，跟王柱對望

「世間竟有如此惡妖」即使是身經百戰的莫戰也有點不敢相信

「張三！唔好用道術對付佢！佢應該對道術免疫」霍鎮海在台下提醒張三

「我知啦！」張三無奈得反白眼

「但我又打唔落手….」張三看著面前的「葉夜」不想下手

「我聽到你講咩」葉夜的聲音傳來

「連把聲都學埋啦…..」張三搖頭，想讓自己清醒

「你望過嚟啦！」葉夜的態度變惡

「嗯？！」張三這才發現是台下的「真葉夜」在說話

「我唔理點解佢會變成我咁嘅樣，我就係我，妖就係妖！你快啲收咗佢！」葉夜指著張三，用命令的語氣說

「好！」張三被葉夜這樣一說，鬥志就來了

他從道服撕下一塊布條，把眼睛給封住了

「眼不見 心不煩！」張三再次拉高衣袖，準備好運用右手的優勢

「綁埋對眼咁刺激～！」女收妖見狀便舉起雙抓，想偷偷接近張三

「我知你係邊㗎！」張三雖綁住了眼，但卻清楚明確的知道女妖的方向

「嗯？！」女妖一驚，把自己化成半虛體，再以高速圍著張三旋轉