「個仔冇事」霍鎮海跟葉夜報了個平安

雖然霍鎮海把霍映東接住了,但衝擊力還是把霍映東弄昏迷了

「閻三!!!!」葉夜馬上站起,憤怒的望向半空

「啊夜!你睇下我契仔依家幾乖幾靜!我今次係特登返嚟搵你㗎~今次我一定唔會再輸比霍鎮海」閻三瘋癲的說

「你依個癲佬….」葉夜握緊拳頭





「媽咪啊!!!我好驚啊!!」霍蘊晴在閻三的手上撕聲裂肺哭著

葉夜看著也心痛,但也無計可施,她想對著閻三的方向出拳,像上次一樣把花妖打傷,但閻三手上捉住了自己的女兒….完全沒法下手

「九,我地分散啊三嘅注意,比啊夜救咗妹頭先」張英以輕聲的跟張九說

「嗯」張九默默點頭

「喂!啊三!!」張英突然大叫





「嗯?!」閻三看著張英

「喂喂喂!啊三!咁耐冇見,去咗邊啊」張英分散閻三的方法居然是閑聊,張九也是無奈,但他還是捉緊時間悄悄的向閻三的視覺盲點移步

「英哥!你想打咩算盤啊?」閻三笑說

「咩咩盤啊,我地兩師兄弟幾年冇見!傾下計姐,落嚟先啦」張英跟閻三招手

「好啊!」閻三邪魅一笑





嗖!!!瞬間就來到張英的面對,速度奇快….

「呃…..」張英被閻三的速度嚇呆

「我落咗嚟啦,有咩想同我傾啊師兄」閻三瞇起眼看著張英

「你放開我啊!!嗚啊!!媽咪啊!!」霍蘊晴再次哭訴

「收聲!!你聽唔到契爺同人傾緊計咩!!」閻三提起手,想呼霍蘊晴一個把掌

「停手!閻三!!」葉夜深知女兒年紀尚小,不可能受得了閻三的力度

「啊三唔好!啊九!!」張英也想伸手去阻止閻三

而張九就及時出手!從後捉住了閻三,一手勒住他的頸,一手拉住他的手





張英就趁機把霍蘊晴抱到懷內,將她搶回

「我帶走兩個細嘅先!」張英一手抱著霍蘊晴,繼而跑到霍鎮海身邊

「霍老大,啊東交比我,解鈴還須繫鈴人,你要同啊三好好處理」然後就用另一隻手把霍映東抱走

其實閻三也是故意讓他們救走霍蘊晴,他一早就知道張九在他身後,但他也不想孩子被救走

「師兄!又話傾計!做咩咁快走啊!」他用剩下的手向張英揮出黑氣

張英用身體保護兩孩子,硬接了黑氣

「啊….」張英嘴角流出鮮血,單膝跪地





「英叔叔….你點啊??」霍蘊晴哭著問張英

「叔叔….冇事」張英說沒事,但其實經已內傷

「啊九~聽講我唔係到依段時間,你做埋候任掌門喎」閻三把頭擰側,視線瞄看後方

「唔知你講咩!」張九不正面回答

「連你都要搶走我啲野!」閻三突然出招,他右手往後扯著張九的頭髮,左手捉著他的手,身體向前傾,肩膀向右扭

一個過肩摔就把張九摔在面前,他提腿想再補一腳,張九及時轉身,躲過了一擊

「啊九行開!」葉夜雙拳已準備

張九往後跳開,葉夜馬上出拳





逢咻!!!!狂風亂掃,葉夜的拳一出,一如既往地,周遭的空氣磨擦發熱,地上的枯葉都被點燃飄起

但被花妖附身的閻三卻絲毫未傷,葉夜愕然,心想不應該這樣,上次也能重創花妖

「嘻….你覺得我會咁蠢,返嚟都冇準備咩?」閻三竊笑

葉夜細看,才發現閻三的手正在滴水

「水妖,啊三佢吸多咗隻水妖」霍鎮海來到葉夜身邊

「哈哈!霍老大果然係霍老大啊!真係聰明!!」閻三拍掌

閻三身體內原先已吸了一隻花妖,現在的他再吸了一隻水妖,五行屬性內水生木,兩種屬性相輔相成,令閻三變得極為強大
已有 0 人追稿