［打鬥/靈幻/鬼怪］《輪迴。道》/《噬魂》我由古惑仔變咗做現代道士: 439《第二季》

一輪交鋒過後，霍鎮海身上並沒多少傷勢，相反閻三就被霍鎮海擊中不少地，雖然沒有太大傷害，但總覺得有點奇怪

閻三萬萬猜不到霍鎮海的攻擊，後勁才是重點

「霍大哥，你係咪手軟啊」閻三看著自己的身體

「三啊，我仲信你有得回頭㗎」霍鎮海一動不動的看著閻三

「你唔好再係到假惺惺！！我閻三…….啊嘶…..」閻三說到一半突然跪在地上





「喀嘔…你…你做咗啲咩啊」閻三吐出一口烏黑的水

「穴道，我啱啱攻擊嘅位置全部都係穴道」霍鎮海說

「穴道….嗄…」閻三不敢相信

「百會、巨闕、期門、太淵、鷹窗，依五個都係人類嘅弱點穴位，我冇用全力打落去，只係想震傷你體內嘅兩隻大妖」

「三啊，你要返轉頭就要靠你自己」





霍鎮海還未肯放棄閻三，認為他還有得救

「你收聲！！！！」這次說話的就只有那刺耳的花妖聲

「你終於都控制曬啊三個身體….」霍鎮海皺眉

「嗄…..我本身都以為自己比依條友吸咗之後就咁玩完㗎啦，點知佢動咗歪念令我有機可乘，係佢隻手走到出嚟，哈哈哈」

「你要點先肯離開佢嘅身體」霍鎮海問花妖





「離開？哈哈哈哈！！佢個身體咁好用，你覺得我會走咩！！」花妖突然從手伸出了數條花藤

花藤直衝往霍鎮海的眼睛，但霍鎮海一手就捉住了花藤還把花藤給扯斷了

但原來花妖的目的並不是霍鎮海，而是遠處的…..葉夜

「啊夜小心！！」霍鎮海意識到後已馬上轉身

「啊嫂！！」張英拖著內傷的身軀，衝前用手捉住花藤，但花藤衝力很大，根本捉不住，張英的手掌更是直接被花藤穿過了

「啊英！」葉夜聞聲轉後，看到張英受傷的一幕

下一秒…..

滋！！





花藤穿過了葉夜的胸口

「呃…..」葉夜呆住了，給不了任何反應

啪！張英這時拔斷花藤，葉夜雙腳一軟跪下

「啊夜！！！！」霍鎮海大怒

「哈哈哈哈！！我閻三得唔到嘅！冇人可能得到！！！」這次又換回一半閻三一半花妖的聲音

但他跪下，吐出了一灘瘀黑的血，不斷咳嗽，其實花妖已是強弩之末，剛剛的花藤是最後一擊

最終倒下了





「啊夜….」霍鎮海跑到葉夜的面前，把她抱入懷內，鮮血不停從她的傷口流出

「兩個…仔女….冇事啊」葉夜溫柔的笑著說

「冇..佢地有你依個媽咪，點捨得有事」霍鎮海的淚控制不住，流下了

「咁就好啦，以後你要教好佢地，同佢地講，佢地有個好靚嘅媽咪」葉夜的氣息愈漸虛弱

「冇事㗎….你可以自己講㗎」霍鎮海快要哭成淚人

「啊…你個衰佬…係咪咁小事都唔幫我啊」葉夜用盡力拍打霍鎮海的後背

啪….雖然已不是以往那打得霍鎮海疼痛大叫的力度，但這一拍….對霍鎮海來說，比起以往加起來的….都要痛

「嘶..好痛…」霍鎮海眼淚滴到葉夜的臉頰





「唔痛…打你做咩啊…但你唔好喊，你係四力之首嚟㗎…..要有形象」葉夜緩緩舉起手想為霍鎮海擦去眼淚，但舉到一半身體便完全放鬆了

葉夜….離去了

霍鎮海抱著葉夜的屍體發呆，坐了足足一個小時，張英也因體力透支暈倒了

直至張九和徐峰安置好剛剛帶回去的傷者趕回來

「霍大哥！！」徐峰剛到步都不敢相信自己的眼睛

「喂！醒啊！」張九拍打張英的臉，但他沒有反應

「喂！張英！醒啊！」張英捉住張英的兩邊肩膀，將他搖晃起來，內心其實很怕張英出事





「啊…..我未死」張英被張九「救活」了

「我去睇兩個細路」張九知道張英安全後，拋下一句就走開了