［打鬥/靈幻/鬼怪］《輪迴。道》/《噬魂》我由古惑仔變咗做現代道士: 476《第二季》

「兄弟！散啊！！！」他化虛體後就立刻提醒眾手足

「嘩～仲有咁大班遊魂野鬼，今日等我清一清啦」閻三輕笑一下

「天地八極，玄門盡開！」閻三先用腳在地上畫了個圓，然後提腳輕輕跺地一下，眾鬼魂和雙生靈所在的地上出現了一個隱約的八卦形狀

「閻三？！！」雙生靈終於看到了閻三，馬上感到非常驚恐

「哈，終於見到我啦？估唔到兩隻魚毛走甩咗都可以變條大魚」閻三得意的看著雙生靈





「你收聲！！」雙生靈想將觸手刺向閻三

「鎖！」閻三一聲呼叫

地上的八卦就憑空揮出了用氣形成的「鎖鏈」把雙生靈和在場所有鬼魂都給束縛住

「放開我啊！！！！」雙生靈掙扎大叫

「你知唔知我搵得你地幾辛苦？」閻三一步一步走近





「唔好啊！！！你唔好埋嚟啊！！」看得出雙生靈的兩個魂魄都十分懼怕閻三

「老兄啊，我地係好人嚟㗎，係幫手拖住隻惡野，好快都有人嚟收佢㗎啦 你放咗我地啦」其中一個鬼兄弟說

「係啊！我地好人嚟㗎！放咗我地先啦」

「唔該你啊！放咗我地啊」

然後其他兄弟也跟著發聲





「有人嚟？邊個？」閻三好奇來者會是誰

「放咗我啊！！你個仆街！！！」雙生靈突然再次大叫打斷了他們的對話

「收聲！！鎖封！」閻三伸出雙指一揮，雙生靈的嘴巴居然連起來了

「嗚！！！」雙生靈嘴巴被封上現在也只能鳴鳴作聲

「你地繼續講」閻三跟眾鬼魂說

「佢叫九叔啊，係一個道行好高嘅道士嚟㗎」

「仲有另一個叫英叔，同埋一班後生仔」

「原來係張九….」閻三點頭說道





「係啊！係佢啊，佢好快就到㗎啦，唔該你放咗我地啊」

「好快到？哈，咁睇嚟我都要快啲啦」閻三淡淡一笑

閻三半膝跪下，將右手放到那地上的八卦形上

「離苦得樂、往生淨土」閻三唸出咒語

霹靂啪啦——

一道閃電包圍著所有鬼魂，「鎖鏈」亦同時開始收緊

「啊！！做咩啊？！」





「唔好啊！！」

「救命啊！」

「求下你放過我地啦！！」

「嗚！！啊！！！閻三！！」雙生靈強行將自己被封住的嘴巴張開，嘴脣的血肉都撕開了

咻……

瞬間，整個貨倉安靜了下來…

「嗄…嗄….雙生靈，果然非同凡響….嗄..哈哈哈」閻三露出了滿足的表情

他握緊拳頭運氣，一股紫色的氣從手臂裏冒出





「哈哈哈！！！」閻三對雙生靈的力量十分滿意

多留一會回回氣後，他就速速離去了

而受了重傷的啊財其實就一直躲在一旁，只是閻三忘記了

………..

「成件事就係咁啦….九叔」啊財將整件事的始末說出

「又係閻三…」九叔眼神裏閃出了一絲殺意

「唔關佢事….係雙生靈搞到我地咁」啊財搖頭說道





「嗯…」九叔點點頭回應，但心裏卻還是想著閻三

「九叔….哈…我做鬼僕都做得唔盡責….咁都服侍唔到你到老」啊財開玩笑的說

「放心啦啊財，佢好老㗎啦」英叔用灰諧的方式來遮掩傷感的情緒

「哈….咳…咳…九叔，你地唔好咁快嚟搵我啊….再見啦…」啊財說完這句後，便化成一陣煙消失了

這一刻，大家都沉默

而啊烈則默默回頭，看著身後不遠處的大貨車

「啊烈….」啊武知道這刻的啊烈精神一定受到重創

「啊烈啊，你….嗚」啊仁正想說話時

「你唔好出聲」我一手捂住了他的嘴巴，不然他一定會說錯話

「𡃁仔啊….你地由得佢啦」英叔搭著我跟我們說

啊烈走到貨車旁邊跪下

啪！啪！啪！

「喂！老野！出嚟啦！你唔好扮野喎」啊烈拍打貨車的車身

當然，他並沒有得到任何的回應