［打鬥/靈幻/鬼怪］《輪迴。道》/《噬魂》我由古惑仔變咗做現代道士: 507《第二季》

屋內一直聽着打鬧聲的我們

「出面好似好大鑊喎……」啊仁竊聽著外面的聲響

「我地真係唔洗出去幫手？」啊烈有點按耐不住想要衝出去

「但英叔叫我地睇住啊武，我地行開…..」我說到一半便停下了

「咁好簡單姐…我同你地一齊出去！」啊武果斷衝出房門





「喂！你個死仔！」我叫也叫不住他

「咁我地….」啊仁看著我和啊烈問

「跟啦！！」我和啊烈同時回答

之後我們就跟著出去

而外面的戰況依然是一面倒，秦王接近不費吹灰之力就可輾壓九叔他們





鏗！！我們還未出到外就聽到走廊的欄杆傳來了一聲響亮的撞擊聲

「嘩啊！！」慘叫的是英叔，他出腳時被秦王一手捉住並拋往欄杆

「英叔！」已被打趴在地的王奇呼喊

葉靈同樣也是早早就被秦王打倒在地，連手上的桃木劍都被折斷了，現在只剩下九叔能站立在地

「嗄…嗄….」不過九叔的情況也不太樂觀，他一手按著胸口，一手握著木劍，眼都不眨的看著秦王





「睇嚟，你地今世進步咗唔少」秦王說這句時帶了點欣慰

「嗄…今世？！你….你之前識我地？！」九叔聽到秦王說的話後馬上追問

「朕講過啦，朕係唔會答你地問題」秦王輕輕說道

「裝模作樣！」九叔不忿，硬吸一口氣再上

「試幾多次結果都係一樣，而且你地嘅目標唔係我」秦王說

「廢話！你到底係咩嚟！點解屍氣咁重！」九叔再次揮劍

秦王則無奈搖頭，只好再次跟九叔「過招」

而這時，啊武第一個衝到外面，之後我們都好快趕到





「九叔我地嚟幫你！」啊武一步出大門就跳起往秦王踢出凌空飛踢

秦王本打算衝前，見到啊武的飛踢連忙退後

「哦～你地終於出嚟」秦王看到我們幾人後偷偷的笑了

「小心！你地唔係佢對手！」九叔提醒我們

「啊仁啊航，你地去扶起佢地先，我同啊武幫九叔手」啊烈即場分配崗位

「收到！」我和啊仁馬上去扶起受傷的他們

「英叔你點啊？」啊仁去了扶起靠坐在欄杆的英叔





「呃…..冇事，死唔去」英叔在啊仁的扶助下重新站起，但後背應該還是很痛

而我先去扶起了較近我的王奇

「得唔得？」我問他

「隻手好似甩咗骹…..」

的確，他右手的肩膀明顯已無力垂下

「頂住啊，你退後啲，唔好再出手，其他野交比我地」

之後我再去扶起葉靈

「你唔洗扶我…..去幫佢地」葉靈掘強用斷了的桃木劍把自己撐起





「你顧掂你自己先啦，我依家過去咪盞阻住佢地」這次我直接伸手把她拉起

說說他們的戰況

同樣是西裝革履的啊烈和秦王對上了

啊烈戰法依舊，在皮帶上拿出虎爪刀向秦王擊去，上劃一刀，下刺一刀

「手法凌厲，唔錯」但秦王都能精確無誤的躲過

「廢話！」啊烈直接向秦王飛出一把爪刀，

飛刀來襲，秦王往後彎腰





啊武亦借此機會向秦王出招，他跳起一腳撐牆把自己升得更高，然後伸出另一腳伸直

再讓身體下墜，用下墜的力量攻擊