［打鬥/靈幻/鬼怪］《輪迴。道》/《噬魂》我由古惑仔變咗做現代道士: 533《第二季》

「閻三！你仲好意思係大家面前出現？！」九叔拿出桃木劍正跟閻三過招

「你地憑咩阻住我？！我嘅目標從來只係霍鎮海，與你地無關！」閻三退後到桃木劍的攻擊範圍外，並擊出一下掌風

掌風把原本想追擊的九叔反倒退了兩步

「九，你連我嘅掌風都擋唔住，真係諗住阻到我？」閻三帶點囂張的說

「你用啲旁門左道嘅方法去令自己變強，就算比你贏到霍大哥又有咩意義？！」九叔大聲的斥罵閻三





「你憑咩話我係旁門左道？！隻手嘅能力係我與生俱來嘅，我只係將佢嘅能力推到極致！由當初只可以吸孤魂，吸妖精，到後來魑魅魍魎、魔、甚至係人！依啲都係鬼苦練嘅成果！！」閻三邊反駁邊沉醉的看著自己的手

「廢話！」九叔橫劍一揮，一道劍氣直衝閻三處，但閻三輕鬆把劍氣瓦解

「喂老野，當年啊三吸個隻花妖唔係死咗啦咩，點解佢仲係咁」英叔忍不住問

「邪氣入體，佢已經跌咗入歪道」九叔看著面前消失多年的閻三帶點唏噓的說

「啊九，既然我地道不同，都冇野需要再講啦」閻三跟九叔說





「由三十年前你開殺戒個一刻開始，我地就註定行唔同路！」九叔擺出戒備的架勢

「喂！你傻咗啊！咁樣刺激佢！」英叔詫異的看向九叔

「你唔好提三十年前嘅事！」閻三想起自己三十年前做過的事就瞬間變得激動前衝

「係咪呢！無啦啦刺激佢做咩呢！」英叔拔出木弓作近戰武器

「依一戰終有一日會打，再拖都冇意義，咁倒不如痛痛快快結束佢….





今日可能就係北門滅亡嘅一日」

原來九叔早就有跟閻三了斷的想法

「啊！！」閻三襲來，他左手揮出試探的一拳

九叔伸手將他拍開再迅速的踢出一腳前上踢，見標是閻三的下巴

閻三當然沒這麼輕易被擊中，他的身體微微後傾就令九叔踢了個空

而此時英叔就拿著木弓跳到閻三的身旁向他頭部揮擊

閻三對於英叔的攻擊當然看得清楚，他抽出了右手，出掌將九叔推開，然後再向後一個空翻跟他們距離拉開，途中更是向英叔面部踢出一腳

啪！！踢中了





「嗚啊！！」英叔吃痛後退

「你地放棄啦」閰三冷笑說道

「上！」九叔看看英叔，再上！

二人一上一下將閰三夾擊，英叔向下進攻，雙手抱著閰三的一腳，然後將整個人纏著那腳，將他的腳屈曲，令他倒地

而九叔就跟閰三在過招，令他無暇抽空去處理英叔

二人出此奇招，又真的讓他們暫時掣肘到閰三的動作

「喂老野！我鎖住佢！你快啲洗走曬佢身上嘅邪氣！」英叔渾身發力把閰三的下盤封死





「冇用！佢本身個人已經入咗邪道，你清佢幾多次個結果都係一樣！」而九叔也對閻三使出了一招十字固

三人都躺在地上，無法再做出其他多餘的動作，只英叔九叔稍有動作，閻三就有機會逃脫，三人陷入了僵局

「你地放手！」閻三怒吼

「你都傻嘅！你叫就要放㗎啦？！老野頂住啊！一日未諗到計搞掂佢，一日你都唔好放啊！」英叔夾得更緊，把閻三的關節鎖的「勒勒」作響

「呃….放手！！」閻三應是感到痛楚，立刻給了反應，他用相對自由的右手不斷向九叔英叔的方向運功擊出黑氣

但奈何他根本無法看法二人的準備位置，所以黑氣基本都是打中公園的設施

加上閻三也明白，九叔他們抱緊了自己的身體，胡亂攻擊只會兩敗俱傷

「啊！！！媽咪啊！！」突然！有一小孩從公園內跑出來