［打鬥/靈幻/鬼怪］《輪迴。道》/《噬魂》我由古惑仔變咗做現代道士: 538《第二季》

「喂！你地…..」年輕警員看見英叔他們從高處跳下，嚇了一跳，更想上前查看

但卻被身後的上司拉住了

「你好得閒啊？」

「呃…no sir，但係佢地跳….」年輕警員被問得不知所措

「人地跳乜關你鳩事咩，又唔係你推佢地落去，我地接到報案係話有痴線佬搞事啊嘛，係咪啊！」





「係….係啊」年輕警員回應

「咁咪係囉！依家呢到一個人都冇啊，咁咪即係冇痴線佬囉！收隊啦！」

「下….係…」年輕警員也不敢違抗上司，所以只好乖乖跟著上司離開

而英叔他們當然也不像超人一般，能飛離現場，他們只是透過外牆不同的空隙和凸出的物件一步一步回到地面

好快九叔英叔就帶著徐峰回到了家中





「你地點啊？」英叔回來時一開門就問

但他進來後只看到垂頭喪氣的他們和坐在沙發的霍鎮海

「霍老大！」英叔沒留意到其他人，只注視到霍鎮海

「你…係…」霍鎮海又變回那懵懵的失智老人

「霍老大，你唔認得我？！」英叔詫異





「英叔」啊烈叫一聲，確認英叔看著自己時，再用食指指著自己的腦袋轉了幾圈，示意霍鎮海腦筋不好使

「噢…..」英叔恍然大悟的點了點頭

「啊！霍老大，咁你睇下認唔認得佢兩個啊！」英叔指著剛進來的徐峰和九叔

「英叔，佢係？」大家對進來的徐峰都不熟悉，大家都一臉懵然

「佢…..佢…峰仔啊」霍鎮海斷斷續續的，但居然能叫出徐峰的名字

「霍大哥，好耐冇見啦」徐峰大概也猜到霍鎮海的情況，他主動上前蹲下跟霍鎮海說話

「點解霍大哥會搞成咁…」九叔站在徐峰的身後

「爸爸本身唔係咁㗎，係前嗰排出咗去之後返嚟就變成咁啦」在一旁的啊晴終於發聲





「爸爸？你係？」九叔以錯愕的眼神望向啊晴，而同時英叔也是

「佢係啊晴，神力個女同時係啊仁女朋友」啊烈解答

「佢係霍老大個女？！」英叔詫異失神的看向啊晴再望向九叔

「啊航啊武同葉靈呢！」九叔跟英叔對視一眼後，但他卻問起了另一件事

「呃…啊航比叔叔打傷咗，葉靈同啊武送咗啊航去醫院」啊仁吞吐的說

「……」九叔不語

「𡃁仔比霍老大打傷？！」英叔震驚





「係….中咗佢一掌」啊烈再說

「我地去醫院睇下，啊烈啊仁你地留低，峰仔幫我睇實霍大哥，唔好再比佢周圍走」九叔跟英叔立刻起程

「好，冇問題」啊烈點頭接令

九叔臨走前向啊晴投向了一個奇怪的眼神，就像是在掃瞄她一樣

而啊晴剛好又看到了，令她滿身不自在

「女啊，我…我係咪做錯咗啲咩啊？」霍鎮海捉著啊晴的手問

「呃….唔係啊爸爸，冇事啊」剛分神的啊晴也立刻捉著父親的手說了個善意的謊言

「霍大哥，你見點啊？」徐峰也坐到了沙發上跟霍鎮海聊天





「峰仔啊….你有冇見過啊夜同東仔啊？我一直搵唔到佢地啊…」霍鎮海千篇一律的見人就問

「呃….下？霍大哥…」徐峰被問呆了

「爸爸依家見人就會問依個問題…我都唔識答佢….」啊晴在旁說

「霍大哥，放心啦，佢地好快會返嚟㗎啦，你好好休息啦」徐峰搭著霍鎮海的手說

「你…係晴女？」徐峰問啊晴

「係啊，你係….？」啊晴卻不認識徐峰

「你唔認得我？」徐峰訝異





「我…應該唔識你」