［打鬥/靈幻/鬼怪］《輪迴。道》/《噬魂》我由古惑仔變咗做現代道士: 550《第二季》

「英叔…唔係話唔好叫佢咩？！」啊烈瞪大眼看著英叔

「喂！」九叔也出言喝止英叔

「唔係啊…佢直接拎起咗碗筷」英叔跟九叔說

「嗯？！」九叔驚訝

「𡃁仔望實我」英叔伸手摸向陳天航的下巴





「做咩啊？」陳天航用無神的眼睛望著英叔

「有下巴？！」英叔再用手指扯陳天航的眼皮，將它反下

「仲有血色…」英叔難以置信的說

「即係咩啊英叔，依啲時候唔好賣關子啦」啊烈不耐煩的問英叔

「死仔，𡃁仔仲係人啊！」英叔作出想打啊烈的動作





「下？！！」眾人聽到英叔的話後都異口同聲的驚嘆

「點…點可能啊」天航姨丈雖然開心，但作為凡夫的他實在很難相信如此荒謬之事

「肥仔！！」洛兒聽到陳天航居然變回活人，開心得往他飛撲

二人更是一起掉到地上

「肥仔！你返嚟就好啦！！我真係以為會以後都見你唔到啊！」洛兒緊緊的抱著陳更航





「老公啊，佢地好浪漫啊」夢晞看到此情景也緊緊抱住身邊的愛人，珍惜每一刻時光

「衰仔！咁你都死過返生？！」

「你係得嘅！」

啊武啊烈也圍在一旁起哄，就只有九叔一人沉默不語

但陳天航好卻說出了一句令大家再度陷入僵局的說話

「你係邊個啊？」陳天航拉開洛兒的雙手，疑惑的望着她

「咩….咩邊個啊肥仔」洛兒慌張的反捉住陳天航雙手

「喂，死仔唔好玩啦，洛兒已經好驚㗎啦」啊烈用腳輕輕踢向陳天航





「我…真係唔識佢」陳天航認真的看著啊烈

「下？！咩啊？佢係你女朋友洛兒啊，歐陽洛兒喎」啊武也變的緊張

「你係咪撞壞咗個腦啊？」啊仁說

「哎！依個時候仲亂講野」英叔打了啊仁一下

「又係我？…..」啊仁沒趣坐回自己的位置上

「咁你記唔記得我係邊個？」英叔問陳天航

「我啱啱咪叫過你英叔囉，點會唔記得」陳天航皺眉說道





「咁我地呢？」王奇在後問

「記得，王奇同呂夢晞同埋我個契女」陳天航說到契女時，會心一笑

「咁…」啊武正想問時

「仲有九叔、李梓武、張一烈、張仁仲有啊姨同姨丈啊嘛，我全部記得啊」陳天航還未等啊武問完，就把在場所有人的名字都說了一遍

但就偏偏唯獨…..忘記了洛兒

洛兒呆呆的望著陳天航，哭笑不得

一邊是陳天航能回來而感到開心，一邊是十多年感情的男友忘掉了自己而無奈傷感

「點解會咁㗎….」啊烈無奈站在原地





「九叔英叔，啊航點解會唔記得洛兒嘅」啊武問

九叔順著聲音的方向捉住了啊武的手

「幫我捉住啊航隻手」九叔跟啊武說

九叔再順著啊武捉住了陳天航的手臂，為他把脈

「氣息正常，脈搏穩而有力….而且有力得唔太尋常」九叔說

「哎！可能𡃁仔啱啱醒返，記憶未完全恢復姐！好快！好快就冇事㗎啦，放心啊洛兒！」英叔則出言安慰洛兒

「嗯，我冇事，肥仔可以返到嚟我已經好開心」洛兒勉強逼出自己的招牌笑容，但明眼人都知道她內心的崩潰





事後，九叔他們幫陳天航處理明明死去但又突然復生一事

藉口也沒什麼特別，只好說是醫生判斷錯誤、陳天航的身體特殊，甚至是奇蹟等等的話，九叔他們都說說出了口

最後醫院為陳天航作了一次詳盡的身體檢查，證實他身體安好無羔，就正式幫他取消了死亡證明

陳天航亦正式由一個死人變回了一個活人