［打鬥/靈幻/鬼怪］《輪迴。道》/《噬魂》我由古惑仔變咗做現代道士: 552《第二季》

「揞耳仔！」陳天航急忙的說，啊烈也立刻掩耳

滋！！！！陳天航徒手就把黑蔓給捏斷了

「咔…？！」黑熾靈看到也不禁後退了一步

「航…」眾人看到陳天航的操作都驚呆了，他們在想不是不可以觸碰它們，陳天航怎做到的

陳天航眼一瞬變得凌厲，提著彎刀就衝前去，陳天航咬破自己手指，將血塗抹到彎刀上





「火神敕令，火神祝融借法！焚！」陳天航說出一句不知從何學會的咒語

但他手上的彎刀又的確燃起了一束火焰

「嗄！！」陳天航一跳躍起，在半空中揮劍

火焰隨著彎刀的揮斬而噴灑，一個個火團點燃了地上的黑蔓

「咔咔嘶！！！」黑熾靈意識到情況不對勁， 轉身就想逃跑





但奈何速度不夠「死神」來得要快

陳天航一個刺步加速去到黑熾靈的後方

「安息」

「咔？！」黑熾靈驚恐的望向後方

陳天航由上而下揮動那全是火焰的刀，將黑熾靈一分為二





黑熾靈的兩邊屍體倒下，連同地上的黑蔓都化成了一灘灘的黑水

「呼！」斬殺黑熾靈後，陳天航鬆一口氣，但他也疑惑的看著自己雙手，剛剛的一頓操作是怎麼一回事…..

而其實，結界內一直都有二人躲在角落偷偷觀察眾人的表現

其中一個無疑是英叔，另一個則是以前輩身份來頂替九叔的王奇

「啊奇….你啱啱都見到㗎呵？」英叔咽了一下口水說

「見到….啊航佢出手快狠準」王奇也不敢相信剛剛看到的事

「我同老野都仲未教過佢地用依啲招式，佢冇可能會識㗎喎」英叔對於陳天航突如其來的「進步」有點摸不著頭腦

「我假設，假設咋，佢會唔會唔係啊航？」王奇提出一個猜想





「嘩？！唔會玩到咁大掛，但我同老野日日都會見佢，又唔覺佢有咩問題喎，係講野木獨咗啲，個人好似冇咩情緒脾氣咁」英叔回想起這一個月裏陳天航有沒什麼改變

「我都覺，佢以前講野有活力啲，依家好似死氣沉沉咁，同埋我都係假設姐」王奇也抱著不太肯定的態度

「哎，唔好估估下，我地一陣就試下佢」英叔向王奇招一招手，示意離開

「點試」王奇問英叔

二人離開結界

啪啪啪啪！！

一陣拍掌聲從陳天航身後傳來，他轉頭望去，正是他的三個伙伴在拍掌





「航哥好野」啊烈裝作里安納度那迷因圖的笑容拍掌叫說

「你個死仔幾時學埋依啲招㗎？一直收收埋埋唔拎出嚟？！」啊武就問

「我都係唔知….」陳天航十分無奈，剛剛那瞬間身體就好像會自己有記憶一樣，根本控制不了

「喂航哥，問親你野咩都話唔知…..點幫你啊？」啊仁明顯有點不耐煩

「咁我真係唔知，你想我答咩？」陳天航則繼續以那無起伏的語氣回應

「喂，啊仁你做咩啊」啊武察覺啊仁的火氣，上前搭著他

「咁係啊嘛，我地個個都想盡辦法幫佢諗返起洛兒同其他野，佢自己就唔緊唔緊咁」啊仁抱怨說道

「航，唔好理佢，自從啊晴唔見咗之後，啊仁啲脾氣火爆咗好多」而啊烈就上前跟陳天航說





「嗯，都唔關我事」陳天航拋下一句就自己轉身繼續前行

「呃…..唉，搞咩啊」啊烈無奈嘆氣

「嚟啦，行啦」啊武搭著啊仁跟著陳天航的腳步前行