［打鬥/靈幻/鬼怪］《輪迴。道》/《噬魂》我由古惑仔變咗做現代道士: 558《第二季》

「你好啊～」段天也不敢怠慢，立刻伸手跟他握手

「唔該曬你車洛車返嚟」洛兒父親說

「應該嘅～都夜㗎啦～你地快啲返上去休息～我都走先啦」段天再次道別

「好啊好啊，下次見～再見」洛兒母親也熱情的跟段天道別

回到家後，洛兒父母就開始漫長的「審問」





「女啊！你上司原來都幾靚仔㗎喎～諗諗佢啊」

「媽咪啊～佢只係我老闆，佢覺得我做得野所以先請我食餐飯咋」洛兒馬上解釋

「佢今年幾歲啊？」

「唔知喎～佢好似從來都冇講過自己幾歲」

「咁高呢？我見佢都高你大半個頭，都算高大啊」





「還好啦，肥仔都高過佢啦」洛兒又不自覺地提起了陳天航

「你老闆好過嗰個冇出息嘅人好多」洛兒父親突然插一句話

「爹哋啊…依家我地都分咗手啦，你唔好再咁話佢啦」洛兒為陳天航感不忿

「我都係講事實姐，當年你為咗佢而選擇唔跟我地移民，所以我地一齊留低陪你，佢係嚴重影響咗你嘅前途發展」

「爸爸唔好講啦」洛兒母親想阻止洛兒父親繼續說下去





「好啦，到你同佢拍咗拖咁多年，佢又比咗啲咩你？依家佢連你係邊個佢都唔知啊，值得咩？」當然他沒有要被阻止的想法

「我都冇話過同佢拍拖要得到啲咩，我覺得值得咪得囉！起碼我覺得依十年過得開心」洛兒堅定的說

「洛兒啊，唔好同爸爸頂嘴啦，你知爸爸一直都唔中意天航㗎啦，爸爸係係因為你先忍住㗎咋，乖啦，唔好嘈啦」洛兒母親轉向說服洛兒

「我冇諗住同佢嘈㗎，明明係佢自己突然要撩交嗌先嘅！」洛兒說著說著眼淚就流下了，然後她就轉身回到到自己的房間

啪！！並用力關上門

「你做咩無啦啦同個女嘈姐！」洛兒母親拍打丈夫手臂，看來打人這習慣，洛兒也是從母親身上學回來的

「你個女由佢失憶到依家都冇喊過….特登係我地面前扮堅強，再係咁落去….我驚佢會做傻事，比佢抒發下情緒對佢會好啲」原來洛兒父親也有自己的苦衷

「唉…佢地本來都叫好好地，點解會搞成咁」洛兒母親嘆息道





洛兒父親心痛的看著身旁的妻子和女兒的房門

……….

兩天後

「世伯，你今日搵我咩事」陳天航問坐在前方的洛兒父親

「我廢話唔多講啦，到底你係咪真係唔記得我個女？」洛兒父親問

「係」陳天航簡單回答

「老實講，其實你同我個女分開，我好開心」





「咁你仲搵我做咩」陳天航態度直白的問

「哈，一分咗手就戲都唔做？」洛兒父親對陳天航的態度也感詫異

「點解我要做戲？其實我連你係邊個我都唔太知」陳天航笑說

「我唔理你記得又好唔記得又好，你同我好好同洛兒交代一下，唔好唔嗲唔吊」

「好」陳天航說下一個字就離開了

「呼….你個衰仔真係唔同曬」洛兒父親無奈又憤慨的看著陳天航離開