［打鬥/靈幻/鬼怪］《輪迴。道》/《噬魂》我由古惑仔變咗做現代道士: 569《第二季》

「哈哈哈！！你咪放箭，我保證佢同我一齊死」習維用力扯著夢晞，將她完全遮蓋自己的身驅

「習維！！你放開佢！！」陳天航趕到！他看到了沒有蒙面的習維，他認出了他

看到夢晞出事陳天航好像回復了一點情緒起伏，而同時天空閃過了一道雷

轟隆！！！

「呃….哈哈哈，咁快就醒返，陳天航….你唔簡單啊」習維對著陳天航狂笑





「我叫你放開佢！！」陳天航想走近

「你試下過嚟～」習維伸出他的尖抓對著夢晞的脖子

「呃…….」陳天航一行人不敢靠近習維

「叫個女仔解咒放咗佢」習維伸手指著被葉靈困製住的段一凡

「你依家係同我地講條件？？」葉靈本想用強硬的態度





「唔通～我冇本錢講？」習維用指甲把夢晞的一撮頭髮割斷了

「嗚……航」夢晞害怕得瑟縮顫抖，但又不敢哭出聲來

「你…」葉靈見此也不敢再說什麼

「妹頭….放佢啦」英叔無可奈何也只能叫葉靈放人

「…..仆街」葉靈一邊咒罵習維





「解！」一邊放了段一凡

沙！！！！困住段一凡的沙鬆開了

「哈哈哈！！最後咪又係要放我！」段一凡逃出「沙海」後，得戚的說

「你…段一凡！」陳天航這時才確認面前的就是段天的弟弟——段一凡

「嘻嘻～」段一凡躲到習維的身後奸笑

「如果冇異議～我地走啦」習維自知靠二人之力不夠應付他們一行人，所以走為上計

「我地會再見！尤其係你」習維特意地指著葉尚生

「放心，我一定奉陪」葉尚生用畫龍戟指回習維





啪！！習維本想將夢晞輕輕一推就離開，誰不知他把夢晞推前之後，段一凡又加了一把手，用力的出掌

「段一凡！！！」

嘭！！段一凡的一掌令夢晞整個人飛身撲了向前

幸好陳天航馬上飛身去接住夢晞，沒讓她直接摔在地上

「夢晞！你點啊！！」陳天航抱著夢晞緊張的問

「個肚..好痛….」夢晞疼痛得滿臉冷汗，大家留心一看才發現夢晞的下體正開始滲血

「仁，call白車！！」





「呃…好！！！」

「妹！追！」葉尚生和葉靈本想去追

「唔好追！」九叔卻阻止二人

「點解九叔，我有信心打贏得佢！比我追啦！」葉尚生心急如焚，腳沒有停下，一直小碎步原地踏步

「唔準！！趕狗入窮巷，必遭反噬，你逼到佢去絕路，唔知佢會做啲咩」九叔解釋說

「……好，算」葉尚生雖顯得失落，但也聽從九叔的話

「航….我好痛，BB…BB會唔會有事㗎」夢晞緊緊的捉著陳天航的手

「冇事嘅，好快就去到醫院」陳天航安慰夢晞





「我通知啊奇！」英叔拿出電話

「航…..」夢晞昏倒了過去

「夢晞！！」

…………

一個漆黑，伸手不見五指的地方

「依到到底係邊到！放咗我啊」

鏘！鏘！鏘！





「放！我！出！去！啊！」一拳一拳打在金屬上的聲音

「嗄….嗄….嗄….我係到幾耐….嗄…出面依家都唔知點….」