話咁快,呢個無聊ff故終於寫完喇!其實,仲有好多爆發點係未提到嘅,不過齋係講新界東同九龍東已經有數之不盡嘅景點,加上呢個故又冇乜人睇,所以都冇心機心力繼續寫落去喇。

今次喺呢個故到嘗試新風格,擬人化武漢肺炎病毒,並猜測佢點樣透過日常生活中嘅唔同事物,譬如食煙,交通工具,或者係鈔票去傳染比另一個人,希望大家睇完之後都可以提高警覺,保持衛生。

今次亦都比咗一個好特別嘅形象比病毒佢,就係有住心高氣傲,戰無不勝,好囂張嘅性格,描寫佢好似攻城咁攻打人體。前期就偏向寫佢好似收兵咁歸化身體嘅細胞,又滿臉嫌棄依附空氣,只想依附一個更好嘅宿體,好似一個拜金嘅觀音娘娘咁。後期都有畀返個好啲嘅形象佢,就係會依附係靚女嘅身上,對住啲好人又唔會俾佢有咁多病徵,成爲超級傳播者(當然呢個對宿主本身唔係好事)。

另外,其實故事都多次使用反語,用「愛意」嚟代替病毒。可能兩樣嘢係有啲九唔搭八,但兩樣嘢都係透過人同人之間嘅互動而傳播嘅。我地因爲疫情保持社交距離,其實係咪就係因爲病毒代替咗愛同關懷而存在喺人同人之間呢?呢件事都幾值得探討。

最後,同故仔一樣,肺炎病毒係真係進化咗,更引發第三波嘅爆發潮,所以大家真係定必要小心!我唔想繼續加多好多個爆發點落嚟呢個故喇!





多謝大家睇到落最尾呢段,覺得好睇嘅記住幫手follow ig: snow.country2020(好少人follow 咋,跪求更多人支持),同埋追埋宜家仲寫緊嘅兩個故:,《收音機裡的情人》(青春純愛,靈異題材)同埋《我中出咗副校》(有甜,講職場黑暗)呀!多謝支持!!!!
已有 0 人追稿