誰才是我？誰才是你愛的我？: 後記

終於完左人生第一個長故，好開心，而且達成左好多野。
除左有愈黎愈多巴絲打支持小弟之外，又試左人生第一個1001，真係估唔到。

係度講多少少關於呢個故嘅野。
呢個故嘅所有角色人名，除左周若風周若雪，其他人名都係朋友提供，所以係度都要多謝佢地。
或者應該咁講，由我兩年前開始寫故，都係為一個人寫，所以，我好想睇文嘅你地，透過用你地提供嘅名，更投入我寫嘅故事。
特別係「希媛」。

一個我好愛，愛足兩年幾嘅女仔(今年11月踏入第三年)，為左你，兩年前，我開始寫故。
除左自己本身鍾意寫野，某程度上，我都係為你而寫。


我寫嘅每一個故，都包含你嘅存在。
今次，你更願意比埋人名我，我真係好開心。
你比四個名我，我用左三個，唐夢心，劉耀洛，謝希媛。
兩個女主角，我都用你比嘅名，而且描寫嘅，都係你嘅好。
事實上，就算你而家刪左我FACEBOOK都好，我都好希望有朝一日，可以用自己嘅努力寫到出書，比你知道，其實，我嘅努力都係原自你。
我好想你知道，時間一分一秒咁過，我亦一步一步咁進步，我已經唔係以前嘅我，只係識得玩。
寫文，係我為你下定決心做好嘅一件事，我咁想出書，係我想用出書呢樣野比你知道，我真係有努力過。
我唔知自己到底仲要寫幾耐先可以出到第一本書，但我覺得，只要我一路寫，一路進步，呢個目標唔會遠。
我更想有朝一日，當你入到書局，拎起周若風嘅書，會知道，會明白，書入面寫緊嘅都係你，周若風呢個人，亦係因為你而努力。
無可否認，你係影響我人生最大嘅人。


我到而家都仲好傻仔咁諗，你幾時可以返黎我身邊。
就算機會幾少，我都會等。
因為，人生真係好難再遇到一個令我心動嘅女仔。
希望巴絲打都搵到一個人生中嘅謝希媛，而且，要好好緊握，就算幾艱難都唔好放手，機會真係唔多，要好好珍惜。
同樣地，就算你人生中嘅最愛唔係我，你都要追，都要捉緊。
我都會係你後面默默等你 ... 你唔鍾意我，都唔好阻止我鍾意你。
多謝你，我嘅最愛，CYY小姐。