「咁又唔係得我一個女仔同你地三個男仔一齊去唱K,有玥嘉同楠恩嘛~」李穎容理直氣壯咁講道,然後一臉自豪地講道,「Joshua先冇你地想象中咁小氣呀!」

「哎呀~食晒狗糧啦!單身無罪。」張子萊一臉嫌棄咁講道,「借啲意餵我地食狗糧呀!」

「略略略⋯我講事實咋嘛~唔想食狗糧咪自己搵番個女朋友囉~」李穎容對張子萊做咗一個鬼臉然後講道

「你兩個真係呀⋯」梁玥嘉無奈地笑起嚟

李穎容同張子萊成日都吵吵鬧鬧,張子萊係陽光男孩,李穎容大大咧咧的,兩個人嘅共通點大概係佢地都算係樂觀派,而且對待友情都好認真



「你兩個唔好小學雞住啦!咁我地聖誕去邊呀?同埋我地到時約邊日?」霍思傑平靜地問道

「到時再決定啦~我地約住⋯平安夜先?24號。」梁玥嘉提議道,「25號係聖誕節一定好多人,咁我地約早一日應該借好啲?」

「都得都得。」李穎容點點頭,然後比咗一個Okay手勢,「我Okay~你地呢?」

「我都Okay。」楊楠思都比咗個Okay手勢講道

「我地呢啲單身狗都冇人約㗎啦,Okay啦!」霍思傑同張子萊一同比咗Okay手勢,隨即宋千辰都點點頭表示佢都Okay



「耶~今日聖誕一齊過~」梁玥嘉高興地笑着,心情都覺得好好

聖誕節嘅活動大概暫時就係咁樣定咗落嚟,今個聖誕可以同朋友一齊過,的確係好事,但大家似乎除咗因為可以同朋友一齊過聖誕之外,仲因為「藏喺心中嘅心事」而高興⋯



「好想瞓⋯」梁玥嘉托住腮望住黑板,手上拎住原子筆,枱上放住筆記簿同中文書,梁玥嘉抬頭望向掛喺燈製上方嘅時鐘,「仲有十五分鐘就落堂啦,可以番屋企瞓啦⋯」

梁玥嘉用力將眼皮撐起,但係仍然好想瞓,一嚟係今日本身已經唔夠精神,二嚟係飯氣攻心倍感疲倦



「呀⋯」梁玥嘉喺心中驚呼咗一聲,忽然記起好重要嘅事,「琴晚講咗今日要拉宋千辰去行商場睇下佢中意啲咩⋯咁即係我冇得即刻番屋企瞓啦⋯」

梁玥嘉不禁又有啲沮喪,大概會因為冇得直接番屋企瞓而覺得沮喪嘅人,梁玥嘉真係第一個

「去銅鑼灣行下啦⋯感覺些多啲嘢行咁⋯」梁玥嘉喺心中默默講道,「但我要用咩理由去約宋千辰去行呢?同佢講忽然想去銅鑼灣行下,叫佢陪我⋯?但如果佢話唔陪我去咁點算?」

梁玥嘉嘅心裏忐忑不安,陣間宋千辰話唔陪佢去咁點算,忽然覺得有太多事要擔心

「千辰唔會唔陪我去嘅~」梁玥嘉喺心中對自己講道安慰自己,「佢應該會陪我去⋯我要好似平時一齊去挽咁同佢講。」

喺放咗學之後,梁玥嘉一直都唔知要點開口講先好,由佢地中六所在嘅4樓落到去地下,梁玥嘉都未講到出口

「哎呀⋯要點開口呀⋯!」梁玥嘉眼見已經行出咗學校門口之後稍微有啲著急,「不如一齊去銅鑼灣行下囉?要唔要一齊去銅鑼灣行下?我突然想去銅鑼灣行下,不如一齊?」

梁玥嘉嘅腦袋快速地轉動,諗緊要講啲咩先叫自然,兩人已經行出咗學校,朝屋企嘅方向行緊,宋千辰就好似平時一樣挽手機,完全冇留意到喺佢隔離嘅梁玥嘉正處於忐忑之中



「我突然想去行下,一齊?」梁玥嘉仍然喺心中諗緊要點樣開口,「不如一齊去行銅鑼灣?一齊去銅鑼灣行一陣啦不如?你有冇嘢做,冇嘅話不如一齊去銅鑼灣行下?」

宋千辰淨係顧住睇手機,雙眼只停留喺手機螢幕上;而梁玥嘉心裏卻焦急萬分,焦急到雙手都好似無處安放一樣,雙手一時插喺校褸袋,一時又雙手合十着,一時又伸手撥頭髮

眼見已經行咗一大半嘅路程,梁玥嘉就更焦急,因為佢再唔講嘅話佢地就番到屋企

走着走着,佢地已經番到去屋企樓下,正當宋千辰行緊去密碼機前㩒密碼時,焦急嘅梁玥嘉就好似衝口而出一樣講道:「我想去銅鑼灣。」

「蛤?」宋千辰停咗落嚟,一臉疑惑咁回頭望向梁玥嘉,「你話宜家呀?」

「係呀!我地行啦!」梁玥嘉一下子就捉住宋千辰嘅手,拉住佢跑起嚟,「一齊去一齊去!」

梁玥嘉冇諗過自己會咁輕易就講咗出口,佢拉住宋千辰一口氣跑到去出面嘅巴士站打算搭車站去銅鑼灣



當梁玥嘉同宋千辰跑到出去巴士站時啱啱好有車,梁玥嘉直接就拉住宋千辰上咗巴士,梁玥嘉先拍卡然後直行行到四人位前嘅二人位,喺窗邊嘅位置坐低




IG Link: https://www.instagram.com/nd_cotttocandy/?hl=zh-tw