［愛情純愛］由嗰一個Kiss開始，我地唔再係青梅竹馬: 96. 懷疑

「得啦～你跑第一轉啦～」梁玥嘉比咗個Okay手勢，然後湊近李穎容嘅耳邊，「我想睇佢跑。」

「煩死啦⋯！」李穎容一臉嫌棄地講道，然後行出去女仔呢邊嘅起點

梁玥嘉盤腿坐低喺地上，自然地朝男仔嗰邊望去，尋找宋千辰嘅身影

宋千辰企喺霍思傑嘅身旁，梁玥嘉默默地低頭，微微一笑

哨子聲一響大家都開始跑起嚟，李穎容一開始先慢跑，打算去到最後先開始快跑



梁玥嘉嘅眼中只見到宋千辰喺霍思傑身旁同佢一齊跑，兩人不急不慢地跑着，就好似喺海邊緩步跑一樣

梁玥嘉偶爾偷偷地尋找着宋千辰嘅身影，搵到宋千辰之後就要搵李穎容嘅位置幫佢數圈

宋千辰跑步嘅速度快咗，同霍思傑分開咗跑，宋千辰開始覺得熱，於是將外套除咗落嚟，剛好跑到去女仔嗰邊，梁玥嘉同楊楠恩都望到實一實

宋千辰將外套除咗落嚟，下意識望向坐喺女仔堆中嘅梁玥嘉，梁玥嘉因為一直望住宋千辰所以同佢對上視線

兩人發現對上視線嘅同時默契地笑了笑，宋千辰好快就經過咗女仔嗰邊，去到男仔嗰邊嘅時候，宋千辰將佢除咗落嚟嘅外套掉比張子萊



李穎容跑到去女仔坐嗰邊嘅時候望一望梁玥嘉，梁玥嘉遞手話比李穎容知佢已經跑咗5個圈

坐喺梁玥嘉身旁嘅楊楠恩對於剛才宋千辰經過時佢地兩人嘅互動，楊楠恩睇得一清二楚，每一個微表情都睇喺眼裏

「又係梁玥嘉⋯」楊楠恩微微耷低頭，喺心中默念道

「嗶—」老師吹響哨子，大家都停落嚟開始緩步跑

梁玥嘉企起身伸咗一個懶腰，等李穎容番嚟之後飲啖水就到佢出去跑9分鐘



「我跑咗將多個圈？」李穎容喘着氣行到梁玥嘉嘅面前，梁玥嘉將手上拎任嘅水樽遞比李穎容，李穎容頓時擰開樽蓋飲咗兩大啖

「11個。」梁玥嘉拉一拉筋，準備第二轉嘅9分鐘跑，「我出去啦～」

宋千辰企喺張子萊旁邊緩氣，口中含咗一啖水，佢嘅視線自然地望向女仔嗰邊嘅起點，當然，可以吸引到佢嘅目光嘅人除咗梁玥嘉之外仲可以有邊個？

「12個圈你啱啱跑咗。」張子萊喺出去之前對宋千辰講道，但宋千辰冇答佢，張子萊又叫咗佢一聲，「宋千辰。」

張子萊望住宋千辰一臉入神咁望住女仔嗰邊，無奈地嘆咗一口氣，拍咗宋千辰嘅膊頭一下，宋千辰因為張子萊嘅一拍回神過嚟，然後回頭望向張子萊

「12個圈。」張子萊只講重點，拍咗宋千辰嘅膊頭兩下之後就行咗出去起點，「唔好掛住𥄫女，記得幫我數圈數。」

「邊有𥄫女⋯」宋千辰心虛地笑了笑

張子萊擺出一副「我知道你有」嘅模樣同笑容，宋千辰反一下白眼，然後拎住樽裝水同霍思傑一齊行到籃球架下方企



楊楠恩同梁玥嘉並排跑，楊楠恩瞄到梁玥嘉跑鞋帶鬆開咗，正當佢打算提醒梁玥嘉時，佢望向男仔嗰邊，見到宋千辰望住梁玥嘉，心中嫉火又起

梁玥嘉剛好跑到轉角位，下意識借意尋找宋千辰嘅身影，見到宋千辰就企喺籃架下方

「嘻嘻⋯好彩我跑第二轉啫～」梁玥嘉喺心中有啲開心地講道

忽然間梁玥嘉絆咗一下，失重心向前跌，膝頭先落地，雙手到㩒到地上；李穎容頓時企咗起身，楊楠恩停咗落嚟回頭望住梁玥嘉，企喺籃框下嘅宋千辰立即就企好起嚟

「你、你有冇事呀？」楊楠恩回頭小跑去梁玥嘉嘅面前將佢扶起

「冇⋯」梁玥嘉搖搖頭

「你隻手紅晒啦！」楊楠恩捉起梁玥嘉嘅雙手翻轉，手心向上，然後低頭望向佢嘅膝頭，「擦損咗啦！」



「我搵個同學帶你去醫療室先。」老師行咗過嚟關心道，然後望向女仔嗰邊，李穎容自動地企咗起身，小步跑到去梁玥嘉面前

「Miss，我帶佢去醫療室。」李穎容講道

「好。」老師點一點頭，然後望向楊楠恩，「你繼續跑。」

「嗯⋯」楊楠恩微微點頭

李穎容帶住梁玥嘉離開，喺臨離開籃球場踏入小食部前一刻，李穎容回頭望咗楊楠恩一眼，若有所思地輕輕皺起眉頭

仍然企喺籃球架下嘅宋千辰雖然好擔心，但都只可以目送李穎容送梁玥嘉去醫療室，無奈下只可以壓抑着心底嘅擔心，剛才見到梁玥嘉嘅膝頭都紅晒，有血從傷口滲出






IG Link: https://www.instagram.com/nd_cotttocandy/?hl=zh-tw