《我用廣東話征服世界》第一季 已完結: 第四十二篇 後宮失火

鳩當然知道依件事係秘密，如果俾明宴會知會有殺身之禍。
林海欣行近窗邊：「今日天氣都幾好喎！」
鳩望住林海欣部手機低聲問：「咁⋯你仲出唔出去？」
林海欣思考了一會兒：「我有啲肚餓，你幫我去買嘢食啊！」
鳩笑著：「嗯！」拿起銀包就去買嘢食了。
本來她害怕會連累鳩，所以打算離開。
但宜家鳩依家令事情有新嘅進展，所以她決定留下來靜觀其變。

林海欣望一望鳩間房心諗：「唉～以後就住係到啦⋯⋯」
林海欣攞起一張相：「依個係鳩女朋友？都幾得意喎⋯⋯」


再望一望鏡子得意洋洋地說：「不過都係我得意啲～唔知佢地幾時分手呢～」
而她唔知鳩仲有一個女朋友⋯⋯
突然門鐘響起來「叮噹！」
林海欣大喊著：「等等⋯⋯」然後放低相片就去開門。

話說童童今日見鳩無返學，所以就擔心佢係咪病得好嚴重。
放學無耐就去咗鳩屋企探病，途中仲買咗碗粥比佢。
童童會心微笑：「嘻嘻～有女朋友探你病，你就好啦～」
童童打算俾個驚喜鳩，所以就無通知聲上咗去。
「叮噹！」


有把女仔聲傳來：「等等⋯⋯」
童童嚇咗一跳望一望門牌⋯無錯喎⋯⋯咁入面嗰個邊個嚟架！？
你都對得我住啦⋯⋯上官鳩⋯⋯⋯⋯

依個時候鳩買咗兩碗麵返屋企，唔知林海欣中唔中意食呢～
鳩愉快地回家，而佢唔知佢好快會死⋯⋯⋯⋯林海欣一打開門就見到童童企咗係門口，兩眼濕濕望住她。
童童見到林海欣咁可愛自知不如，就紅著眼睛細細聲問：「你係邊個⋯點解會係我男朋友屋企⋯？」
林海欣驚愕：「你係鳩女朋友？」
童童忍住眼淚問：「你同鳩係咩關係⋯⋯？」
林海欣見童童好似就喊咁就話：「我⋯我係鳩嘅表姐⋯⋯」


雖然林海欣想佢地分手，不過童童個樣好慘，所以就幫鳩講咗個大話。
童童頓時放鬆下來：「原來你係佢表姐～嚇死我啦⋯我叫童童啊⋯你好。」
林海欣難為地說：「嘻嘻⋯我叫林海欣⋯⋯」
童童好奇問：「鳩呢？佢係邊啊？」
林海欣：「er⋯佢去咗幫我買嘢食囉⋯你入嚟先啦⋯⋯」
童童：「佢唔係病咗咩？」
林海欣：「無啊⋯⋯」
童童生氣地說：「哼！原來係呃人！」
林海欣同童童坐咗係沙發到傾計等鳩返嚟。

鳩拿住兩碗麵愉快地返到屋企：「我返嚟～」
童童一臉怒氣行近鳩：「做乜呃我！？」
鳩嚇呆左：「點解你係到嘅！？」
童童：「你做乜呃我啊！？」
鳩嚇到腳都軟埋當場跪低：「好對唔住啊⋯⋯」


童童皺起眉頭望住鳩：「做乜啊你⋯⋯企返起身先啦⋯⋯」
鳩受寵若驚咁問：「但係我呃你喎⋯⋯」
童童溫柔咁拉鳩起身：「算啦⋯我聽你表姐講咗啦⋯⋯你係要照顧佢嘛⋯⋯」
鳩黑人問號：「表姐！？」
童童：「我知啦，佢依家無地方住所以要住你屋企嘛⋯⋯
做乜咁大件事都唔同我講啊⋯」
鳩恍然大悟心虛咁講：「係啊⋯對唔住⋯⋯」
林海欣古惑地嗌：「鳩～買咗啲咩我食啊？」
鳩：「麵囉⋯」
鳩不知所措咁拖住童童去廳食飯。
三個人坐喺食飯枱到食嘢，而鳩就夾喺佢地中間緊張到完全笑唔出。
左邊係佢嘅拍緊拖嘅女朋友童童⋯⋯右邊係佢答應會一齊結婚嘅林海欣⋯⋯⋯
真係地獄過地獄。