《我用廣東話征服世界》第一季 已完結: 第四十七篇 少爺背叛的心

鳩嬌嗲嘅語氣問：「禮行～有無掛住我啊！」
禮行擰開頭：「哼，少少啦。」
鳩：「今日特登嚟搵你喎～～」
禮行單眼偷瞄一眼：「咁⋯好掛住你囉⋯」
鳩高興地笑：「嘻嘻～你知唔知我已經幫你搞掂咗四眼仔啦，佢以後唔敢再煩你架啦！」
禮行驚喜高興到不得了：「真係架！？你點樣同佢講架？」
鳩：「秘密～～～」
禮行拍一拍鳩：「頂你！」

「叩叩叩！」


禮行：「咦⋯邊個啊⋯⋯」
鳩企起身：「我出去睇吓，你等我一陣啊。」

鳩出咗去開門，四眼仔就一臉驚恐望住鳩。鳩：「咦！咁快搞掂⋯？」
四眼仔焦急咁講：「死啦死啦！我查到啦⋯⋯」
鳩閂左房門出去同四眼仔傾。
鳩：「係邊個啊？」
四眼仔擔心說：「茂波。波叔⋯⋯」
鳩：「乜水嚟⋯⋯」
四眼仔：「管財務嘅，但聽爸B講佢殺人滅口好專業⋯⋯」


鳩皺起眉頭諗咗陣。
四眼仔：「咁點算好啊⋯？」
鳩：「殺⋯⋯」
四眼仔嚇一跳：「殺！？我地點夠佢打啊？」
鳩：「放心啦，我地夠！」
鳩仲有殺手鐧，所以好有信心。鳩已經諗到點樣令首領唔再殺林海欣，就係用言靈假扮茂波再同首領講。
四眼仔驚青咁問：「咁我地應該點做好啊⋯⋯」
鳩：「你約嗰個茂波出嚟，扮求佢唔好殺海欣，然後我地再殺咗佢。」
四眼仔：「萬一失敗呢⋯⋯」
鳩：「我同你同林海欣都會死。」


四眼仔提起精神：「咁我明白啦！」

佢哋商討好計劃之後，鳩就去事先約好嘅地點等。
四眼仔去到財務部茂波嘅辦公室，「叩叩叩！」
有把沙啞嘅老人聲：「入嚟啦！」
四眼仔打開門，一個滿頭白髮嘅四眼老頭坐咗坐到做嘢。
四眼仔假裝乖寶寶：「茂波叔叔～我嚟探你啦！」
茂波嚇一跳笑臉相迎：「少爺～做乜今日搵波叔叔啊？又想問我攞錢？」
四眼仔笑著說：「唔係啊～我想請波叔叔食宵夜啊～～」
茂波一臉迷惑但心裏高興：「好好，波叔叔著件外套就行得啦！」
四眼仔無邪地笑著：「嗯！」

四眼仔戴茂波去到一個城集嘅巷仔。依條巷仔又黑孖孖又濕漉漉。
四眼仔：「波叔叔～就係入面咋！依間店雖然係條巷仔入面，但係好好食架！」
茂波雖然有少少迷惑不過一見到少爺天真嘅笑容，就先行入去巷仔。


茂波行到一半依然唔見所謂嘅餐廳。
茂波好奇咁問：「少爺～～我地係咪去錯地方啊～～～」
四眼仔變臉了狡猾地說：「啱⋯就係裏面⋯⋯」然後攞起刀就對準茂波嘅背脊衝埋去。
茂波突然感覺一陣刺痛插入背部：「啊！！！少爺⋯你⋯⋯⋯」
四眼仔奸笑著：「嘻嘻～今日你就要死係到！」
茂波按著背脊恐懼得不知所措：「少爺⋯⋯點解要殺我⋯⋯⋯我為明宴會做事多年⋯⋯⋯」
四眼仔聽到無明火起就怒罵起來：「做事多年！？咁點解我係咁窮！！！你係咪食晒明宴會啲錢！？」
茂波滿身鮮血躺在地上苦苦哀求著：「少爺⋯⋯最多⋯我俾一萬蚊你⋯⋯⋯⋯求下你唔好殺我⋯⋯⋯⋯」
鳩從旁邊行出來一巴打落茂波個嘴：「講！首領除咗叫你殺林海欣之外仲有無其他？」
茂波嚇得眼都大埋：「你⋯你係邊個？」
四眼仔奸笑著說：「佢係同我嚟一齊殺你嘅。」
茂波感覺身體越來越冷，鮮血流到滿地都是。
但佢最冷的是剛被少爺背叛的心。
茂波冷冷地說：「嘻⋯⋯你地殺咗我，任務都唔會阻止到⋯⋯林海欣一樣要死。」
剛才嘅一刀，茂波深知已被插中要害，自己命不久已。


鳩聽得出佢言外之意：「你嘅意思係殺林海欣嘅唔止一個？」
茂波躺在血泊上苦笑著：「我茂波居然會死係依種地方⋯⋯⋯」
鳩捉著佢衣領：「喂！仲有邊個要殺林海欣？」
茂波沉默不言。
鳩焦急起來忍不住用言靈：「講！仲有邊個！？」
茂波被言靈控制住終於開口：「仲⋯⋯仲有⋯⋯炳⋯。」
當說到個「炳」字，茂波就離世了。
鳩用力搖晃佢的屍體：「炳乜撚啊！！！喂！」
四眼仔嚇到呆左聲都震埋：「我⋯⋯我諗我知⋯⋯⋯」
鳩：「係邊個？」
四眼仔驚詫得臉都流冷汗。