《我用廣東話征服世界》第一季 已完結: 第五十六篇 乘虛而入的賤精

鳩今日重新整理下心情，穿好校服就返學。傳俾童童嘅訊息，童童都無覆過。
就算點都好，鳩始終都深愛住童童。
晨早流流鳩就返到班房，偷偷係童童嘅櫃桶放咗包糖同情信，希望童童可以原諒佢。
同學一個一個咁返嚟，而遲遲都未見童童嘅身影。
「唔通童童請病假⋯？」鳩擔心諗。
不過唔係，童童係乖學生點都會返學，只係今日比較遲延。
童童故意避開鳩嘅視線，快步咁返埋坐位。
鳩見到童童臉上有兩道淚痕，眼睛都有啲紅腫。
就知佢琴晚應該喊咗好耐⋯⋯
鳩不禁心痛，恨不得即刻把童童抱入懷裏。



童童返到坐位就扒係枱到瞓覺，好似唔想被鳩見到咁⋯
鳩好內疚自己當初點解要呃童童⋯⋯
「喂～童童你有無筆借嚟啊？」係坐童童隔離嘅男同學，啊豪。
「仆你個街！？用啲咁老土嘅方法聊我條女！？」鳩火燒眉毛。
「等等⋯⋯」童童伸手入櫃筒攞筆，臉色有啲奇怪。
佢攞咗支筆俾個啊豪，然後攞咗包糖出嚟。
「依你有糖嘅？」啊豪問。
童童疑惑咁望住包糖，然後望一望鳩。
鳩合著雙手對童童做口型：「對唔住啊～」


童童一臉無奈，就將包糖俾咗啊豪。
「請你食啦⋯⋯」
「多謝喎！你對我真係好！」啊豪一臉高興咁講。
「嗯⋯」然後童童又繼續瞓覺。
鳩望住啊豪一粒一粒將啲糖放入口，忍唔住有啲淚水想湧出來。
不過鳩要忍住淚水，一日未追返童童一日都唔會放棄⋯⋯話說今日有體育堂，鳩已經無乜嘅心情上體育課。

「咁宜家就自由活動啦！男仔就打下波多啲活動下啦！」熱血嘅黃sir攞住粒籃球講。

啲男仔就衝晒去打波，啲女仔就坐埋一邊有啲就打下排球。



鳩都無乜心情打波只係坐係到眼甘甘咁望住童童背影。

而童童都無乜心情，只係坐喺一邊睇風景。

微風輕輕吹過童童嘅髮端，鳩諗返起之前係屋企幫童童吹頭嘅回憶。

童童攞起水樽望一望，然後又放返低。

鳩見到童童支水樽無晒水，靈機一觸就去嘢飲機買咗兩樽水。

「請你飲啊⋯⋯」鳩行去童童旁邊，遞比俾童童。

「唔洗啦⋯⋯」童童冷淡咁講，然後繼續睇風景。



鳩靜靜地坐係童童旁邊一齊睇風景，兩個人一直都無講嘢，只係望住太陽照住嘅湖面。
被微風吹動嘅綠葉，享受短暫寧靜舒閒嘅環境。

他們坐在一旁不知過了多久，有兩個女同學見到就問。

「佢地係到做咩啊？」後面個女同學好奇問。

「睇風景囉⋯⋯」另一個女同學說。

「你覺唔覺好和美啊？」個女同學又話。

「係咩⋯可能拍緊拖掛⋯⋯」

打完波嘅啊豪咁啱飲水聽到依兩個女同學傾計，就走埋去問。



「你地拍緊拖啊⋯？」突然嘅一句說話打破咗佢地嘅寧靜。

童童愕然一下，說：「無啊⋯⋯」然後就企起身走咗。

鳩盯了一眼啊豪條撚樣，

誰不知啊豪居然鬆了一口氣細聲說：「好彩唔係啫。」

「吓！？你講咩話！？」鳩嚇咗一跳。

「無啊，我話去打波咋嘛⋯」啊豪心虛說，然後就跑走咗。

鳩感覺到有情敵出現，心慌意亂⋯⋯

「萬一俾條撚樣乘虛而入⋯⋯咁咪仆街！？」鳩心諗。