《我用廣東話征服世界》第一季 已完結: 第九十七篇 嚇到瀨尿

「天叔⋯百足血林係邊度架⋯？」草城得知他們兩被傳送了，驚慌地問。
天叔沉思了一會，不知應否講俾草城知。
「你知唔知道⋯我地住緊嘅香靈係安定區，有酒吧有醫院有學校。但係世界上有啲地方唔係安定區，危險至極，百足血林就係其中一個。」
草城擔心起來，傷感地問：「咁⋯啫係⋯」
「啫係嗰個地方唔係入到去就出得返嚟⋯」天叔無力地說：「要救返佢地嘅話，機會真係好微⋯」
「⋯⋯⋯」草城聽聞痛心疾首，破口大罵：「無可能架！！！嗚嗚⋯！屌你老母，我宜家就上去殺咗個首領佢，叫佢救返欣婷同鳩返嚟！嗚嗚⋯」
天叔壓著他的身說：「唔好啊，你去送死架咋⋯⋯」
「咁可以點喎！嗚嗚⋯唔通我咩都唔做等佢地兩個死呀！？嗚嗚⋯⋯」草城痛哭起來，不停罵首領是個烏龜王八蛋。另一方面，林海欣她們在家中隨著時間越來越長，心中的不安情緒也漸漸強烈。
「仲未返嘅⋯⋯連電話都無個⋯⋯」童童擔心得皺晒眉頭，白滑的肌膚都夾出了一道接痕。
「我地去搵鳩返嚟啦⋯⋯」林海欣擔心地說。


「嗯！」童童手震震地收起手上的電話，她是害怕的，但更害怕失去老公。
禮行的電話突然響起：「嘟嘟嘟嘟～」
她們三個出乎意料，
「喂！？」禮行接起電話。
「係天叔呀⋯⋯你男朋友可能出咗事啦⋯⋯」他愧痛地說：「對唔住⋯」
轟！禮行心臟好似被雷擊一樣。
「你⋯你咁講係咩意思呀⋯？」眼淚都湧上心頭。
「黑杰用首領嘅言靈石傳送咗佢去百足血林⋯⋯」天叔搖搖頭說。
禮行流著眼淚收了線，她無話可說⋯⋯
「做⋯做咩呀禮行⋯？」林海欣隱約感覺這是關於鳩的壞消息。


「鳩出咗事⋯⋯」她說。
童童聽到頓時嚇壞了，連站著都無力差點跌倒。「出出咩事呀！？」
「佢俾人傳送咗去百足血林，嗰個佈滿大蜈蚣嘅地方⋯」
「吓⋯⋯」童童雙腿抖震起來，問：「咁⋯我地一齊去救佢呀⋯⋯」
禮行停頓了一下，說：「係啦，欣欣你支香水呢？」
「嗯，喺我包包到。」林海欣急急腳就攞手袋過來。

嚕嚕⋯嚕嚕⋯⋯
此時，在百足血林裏，鳩和欣婷聽到點怪聲。
用火一照，是條是條體型龐大的蜈蚣，每一段身體都有一對怪爪，血紅色的觸鬚詭異地扭動。


「呀！！！」欣婷驚恐尖叫，「鳩！救命呀！」她捉緊鳩的手縮到鳩身後。
嚕嚕⋯嚕嚕⋯⋯
那條蜈蚣扭動了一下觸鬚，靈活地快速伸縮了一下。嚕嚕！！！
「呀！！！」嚇得欣婷不自控地流了小便出來，哭著尖叫。
「佢爬過嚟啦！」鳩拖著她的手就轉身跑起來。
而欣婷就一邊哭著瀨尿一邊拖著鳩逃跑。