《我用廣東話征服世界》第一季 已完結: 第一百五十篇 傻仔豪好煩

「我諗出口一定係收得好埋～不如我地去嗰邊再搵下～」洪吉指著路說，然後就繞過陷阱而行。
鳩聽到他們走得遠遠的，才放開了欣婷。
「頭先做咩揞住我個嘴呀⋯⋯」欣婷感覺莫名奇妙，凶巴巴的盯著鳩。
鳩尷尬的笑說：「你知唔知剛剛行過嗰個係之前用石頭彈我地嗰個嚟架～」
欣婷聽到才恍然大悟的：「原來係佢⋯⋯咁宜家點算好呀？」
「Er，爬返上去先啦，佢地應該走咗啦～」鳩抬頭看著大概五米高牆壁說。
欣婷猶豫了一會兒，她現在光脫脫的⋯⋯
「行啦～」鳩說，欣婷反了個白眼，然後就同鳩一齊試吓爬上去。
反正鳩應該會保護佢嘅，應該⋯⋯



另一方面，令狐森同男班長兩個係迷宮到走咗三、四個圈，都唔見有路。
行來行去都係差唔多嘅地方，周圍倔頭路，但係迷宮入面嘅同學卻好像越來越少。
有可能已經有人過咗關。
「你估個迷宮出口會唔會隱藏咗唔知係邊？」令狐森好奇地問，行了半個鐘頭，腳都痛埋。
「依個迷宮周圍陷阱，可能出口都要周圍掂下先出嚟係唔出奇。」男班長拿住筆和紙，托一托眼鏡說。
令狐森聽班長講，就周圍摸來摸去，但係都無發現，只係有啲用言靈石做出嚟嘅陷阱。
「唉～依到都無出口嘅～」過了一會他洩氣地說，攤倒在地上。
「實有架～我畫咗張地畫出嚟，應該再搵下就搵到。」男班長原來一直行，一直都有畫地圖。
果然係個小心謹慎嘅人。



這迷宮大概是16X16的大小，對應著個16入口的位置，一直伸延開去。
中間有不同的路打通，也有死路，但就是沒有出口。
「俾我睇吓～」令狐森看著地圖，心想，能去的路差不多也走過了。
而仔細看，這迷宮裏唯獨是有一個位置的周圍都是死路，很可疑。
「會唔會係依到呀？」他疑惑不解，指一指地圖。
男班長想了想，的確有點古怪：「但係頭先睇過嗰到都無機關，如果真係有出口，要點先開到呢？」
令狐森沉思起來，心想：「早知就留返係天叔間密室，唔嚟學校考試啦～又係被人困住。」
欸！？
「我諗到啦！」令狐森突然想到一個可能打開出口嘅方法，拉住男班長急急腳的走去找出口。「唔好嬲啦～」鳩抱著欣婷的膊頭，溫柔可憐地說。
欣婷瞄了他一眼，沒有理會就直接行開去。


「最多我俾我條底褲你著啦～」鳩拉住自己條皮帶，慘兮兮地說。
「鬼要你條底褲呀！」欣婷反了個白眼，生氣地說：「我問你，啱啱爬上嚟嗰時，你係咪特登爬係我下面睇我無著底褲呀？」
鳩愕然，眨眨眼睛說：「我係驚你跌親先爬你下面咋，點會係因為想𥄫嘢呢？」
「咁你做咩係咁講啲鹹濕野呀！？又話咩好正，又叫我爬慢啲，仲話咩我爬嘅姿勢錯咗要擘大啲個Patpat⋯⋯其實根本就係你鹹濕！」欣婷盯著鳩，生氣勃勃地往他巨龍頂了一腳。
「啪～」
「呀⋯！」這一頂，鳩整個下體痛不欲生，差點變成爆丸。
「欣婷姐姐～唔好嬲啦～」鳩揞住下體上前又想氹佢，不過欣婷個Patpat真係好正。
「去死啦你！我宜家好後悔俾你除咗條底褲呀⋯⋯」欣婷生氣地說，裙下涼陣陣的，很沒有安全感。
鳩又攬住她膊頭，說：「最多我放學請返你飲嘢啦～」
「唔洗喎！你已經毁咗我清白，飲咩都無用～」欣婷慘痛地說。
鳩嘆一口氣說：「之前係森林到就毁咗啦，嗰時你仲嗌我幫你抹尿～」
「你⋯！」欣婷聽到生氣又尷尬，低著頭臉紅耳赤的，嗰陣時明明就係迫不得已先俾鳩睇咋⋯⋯
「以後都唔同你講嘢啦⋯⋯」她難堪地說。
鳩瞄了她一眼，便牽起她的手，找出口去。
而欣婷也瞄了他一眼，呼了口氣就跟著他走。


就這樣，他們一直默默無言。

「唉呀，又係死路嚟嘅～」鳩牽着欣婷，來到迷宮深處。
這個地方到處也是死路，完全不能通過的。
正當他們想原路折返時，兩道腳步從後而來。
一肥一瘦的，洪吉和傻仔豪。
「點解搵極都極唔到出口嘅～」洪吉疑惑地說，轉進來就碰見鳩和欣婷。
「欸？」傻仔豪臉色一怔，仔細看他們的手是牽在一起的。
「你⋯新女朋友呀⋯⋯？」
鳩感覺有點不妙，說：「唔係啊⋯我大佬嚟架⋯⋯」
欣婷聽到揞嘴甜笑了一笑：「鹹濕仔，我幾時做咗你大佬呀？」
傻仔豪看鳩又同女人如此親密，就感到無名火起⋯⋯
明明已經有童童⋯仲同依個女人拖手⋯⋯
相反自己就一直無拍過拖⋯仲連手都無拖過⋯⋯
他握緊拳頭，越想就越生氣。