賤男 – 成魔之路 【甜酸苦】: 通電位

炒到呀Yan 牌

我開始要諗吓落機後點鋪排

感覺好期待好神秘好新鮮

就係咁High住嘅樣行返埋位坐


「攞杯水都咁耐嘅？」Daisy 問



「我去埋廁所，廁所多人嗎」我話

佢仲睇緊Avengers infinity War

我幾個月前先同呀怡睇完

咁我梗係要扮未睇啦

過去半年成日同Emma OT 邊有時間睇



「頭先講到邊呀？」我問

「Tony stark 要整隻嘢出嚟拯救地球呀。」Daisy雀躍哋講

我戲院睇咗一次

自己屋企睇咗次

識背咁滯



但為咗令Daisy 覺得呢一刻係我地專屬嘅回憶

我扮下未睇過咪幾好

我又講大話，但係唔係傷害人嘅大話

講多句又何妨

睇到一半我頂唔順太攰瞓著咗

過咗唔知幾耐

我Feel到Daisy個頭, 挨咗埋嚟我膊頭



仲聞到佢頭髮嘅香味

估唔到佢咁主動，幫我冚住張氈

仲要同我一齊共用一張毛氈

咁我都配合佢， 將我隻手臂放喺手柄嗰個位

畀佢挨得舒服啲

「好凍...」Daisy 細細聲係我耳邊咁講，跟住佢隻冷冰冰嘅手，喺毛氈下面，游咗去我溫暖嘅手度

佢隻手雖然好凍, 但係佢修長嘅手指的確好吸引

佢拖住我隻手都感覺到佢皮膚好細緻好滑



最緊要係佢無揸鬼五馬六嘅指甲油

我果刻無回應佢，無抗拒，繼續瞓... ...

.
.
.
.
「做咩拖得我咁實」 把聲係 Daisy...唔係...係Sandy?

我個心越跳越快...