簡介

一名男子與女朋友開心遊韓國



大家好,我叫俊華,今年20有3,出身於4人家庭,家住沙角邨,在shitty university畢業後在不出名的公司當個小白領。
 
半年前女朋友受到韓流侵襲,想要到韓國旅遊,當時聽到心都離一離,想著每月的家用及grant loan還款而且去親韓國無番萬嚫蚊都唔洗旨意番到黎,殺時感到荷包作出無聲抗議,但作為男朋友每年同女朋友去旅行都算係應份既責任,只好大大聲同女朋友講句:「我都想同你去好耐嫁啦。」
 
當去到韓國時,第一件事當然去兌換韓幣。想到節衣縮食後儲來的一萬元快要花在這整容天堂時,心中有一陣莫名其妙的酸。記起洗頭水在上星期已經用完,為了避免在旅行前花錢買支新的,我把它加水再用,如今快要把這些節衣縮食儲來的錢買平時不會吃的炒年糕,人芯雞湯,吃完還要擺出一副好好味的樣子,如果金像獎評委知道,張家輝可能要下年先拿到最佳男主角了。旅行是否就是把平時應花的錢儲下來花在平時不會花的項目上?我不知道,正當我在深思之際,女朋友問我在想什麼,我用偉仔既電眼同佢講:「無,我諗緊港幣兌換盾是用那個兌換率而已。」
 
手中拿著剛兌換好的一百三十多萬,感覺快要足夠繳付元朗上車樓首期,在香港有樓就差不多算半個中產人士,能夠與同名異姓的他同列中產,感覺十分良好,儘管手上的只是韓國盾......突然間回想起阿長說上星期跟女朋友到韓國旅行時她把他那部份的錢也花光,我一邊回想起這件事一邊女朋友叫我把錢給她保管,此時她眼上發出的光芒一定是她怕我不小心的性格把錢丟失的關心,一定是這樣。一想到她的細心,我就安心地對她說:「好彩有你係我身邊咋,豬豬。」
 
買買吃吃,我心裡都是算著算著,但是為了避免無謂的內戰,我盡可能都是順女朋友的意,因為中國要不是那些年的內戰,經濟等等的發展分分鐘比美國還要利害,為了我們的感情,錢洗得去搵得番。但係手卷,步隊鍋,炒年糕在香港也可以吃到,點解要坐飛機過黎食,就算個味道唔係完全一樣,喂,到底又差得幾遠,我呀,年年做身體檢查,醫生都無同我講我味覺有問題嫁,點解我食唔出有分別,到底個味有咩唔同呀,有無人可以答到我呀?當我食到背脊骨落之際,女朋友竟然問我香港好味或這裡好味點,我差點吊左出黎,吊,麥你知香港有得食嫁咩!?我馬上吞左個吊字答佢:「吊~點同呢BB,係韓國食有風味好多啦!識食一定去當地食。」
 


來到韓國行街真係好基本,少則6小時,多則12小時,我自問了解我為人都真係有點吃不消,認識了女朋友2年多,從來唔知道她有做運動的習慣,到底如六師弟的亨功水上飄是如何練成的,一個又一個大型超市及專門店在她面前由如100米短跑賽道,而在我面前就好像一座又一座大帽山。叮一聲在我耳邊響起,我頓時明白為何最近2個月女朋友都主動採用女上男下的床姿,也頓時明白到腳力是怎麼鍊成的。她問我做咩前後晃動,是否腳有點軟,唔通我同佢講模仿上下擺動時到底是鍛鍊那一組肌肉時咩,只好答:「我隻隻腳都好有力喎,你知嫁。」
 
回港前一晚我們到南山塔參觀,無他既鬼叫到面樽c同千仲依黎過咩。去果時欖車比人cur一筆,上塔頂比人cur一筆其實都預左,就睇下佢有咩咁巴閉。去到塔底見到寫住236米高,又列埋世界各地既鐵塔高度比較,東京鐵塔333米,艾菲爾鐵塔324米,迪拜塔828米,當我想搵下到底南山塔高過邊座塔咁威水啦,吊,原來無,又會列其他塔出黎自暴其短都又既,唔通想暗示佢短小精鋼?
 
上塔頂望下咩景況啦,出去右手面係一間賣糖店,左手面就是落地大玻璃既風景,整個樓層為圓形。我們馬上衝去看風景,儘管它不高,但整個首爾夜景也是包在眼簾下,拖著愛人感受這夜景是很不錯,不過係我呢d毒L眼中度度既夜景真係差唔多,洗幾千元來看香港山頂也有的風景實屬可免則免。我沒有拿手機出來拍下這夜景,因為一來我的相機就是電話的鏡頭,二來就算你拿出紅圈白鏡的canon EF70-200mmf/2.8L USM, 你能影到既都只係糖果店在玻璃倒影內的強力白燈及其招牌,你影出去同你直接影間糖果店係唔會有太大分別。跟女友表明無法拍照後跟她說不如行個圈走啦,個走字都未講完,糖果店已經再次出現係我地既右手邊。我敢講呢個觀景台真係世界級咁細,想行耐少少都唔得,比幾舊水上黎個唔係咁高既塔,相又影唔到張,行唔夠3分鐘就行哂呢個台,真係想大叫蒙嘉慧。心灰意冷之際女朋友話旅遊書話一定要去呢個塔既洗手間,因為個尿兜係全首爾最高而且柯尿果時仲對住落地玻璃......我聽完只好默默點頭,去廁所柯埋篤尿就走。
 
我既韓國之旅就以比幾舊水去南山塔個廁所打個冷震作為總結,係開心既。