那些年，我等待的那個男孩子: 6

小息時，佢一個人坐係操場低頭，佢好靜，完全唔似平日嘅佢。
 
「嘩…我係咪眼花呀?程逸風竟然自己一個坐埋一邊呀?」
 
「嗯…可能佢有心事呢」
 
「咁阿May妳去開解下佢啦」
 
「妳唔係鍾意佢咩?妳唔去嘅?」
 




「我換左畫lu~~~」
 
小學時代，我地d女同學換暗戀對象係快過賽車，上晝鍾意人，下晝就可以好憎人
 
於是，我就坐係佢身邊，靜靜咁陪佢
 
「我知道哂啦，你最近點呀?平伏左未?」
 
佢擰擰頭
 




「我陪住你好唔好?」
 
佢靜左好耐…「我係個壞學生，妳陪住我…妳唔怕俾人話咩?」
 
「你邊到係壞學生者…你只係讀書冇咁叻，不過我相信你，你嘅能力唔止咁少」
 
「點解妳咁信我?」
 
「因為我鍾意同你玩囉，你蝦我都係貪玩者，我唔會信你會鍾意我先蝦我」
 




然後，我偷偷地拖起佢隻手
 
「無論你變成點，有咩事都好，我都會係你身邊陪住你」
 
佢聽到我咁講之後，我第一次聽到佢咁同我講野
 
「多謝妳雪凝，如果10年之後，我地仲係認識，仲記得對方嘅話，我會娶妳做老婆」
 
「你…你娶我?你傻架咩，我都未同你拍拖」
 
「妳心地好，又善良，我未同妳拍過拖都想立即娶妳啦」
 
「10年後先算啦，或許…10日後你就鍾意第二個女仔呢」
 
佢望住我笑一笑，係果排，我每日都陪住佢，直到佢同以前一樣為止