那些年，我等待的那個男孩子: 12

「邊個係林雪凝?」Head prefect帶住幾個prefect leader入到黎我地班
 
「係…我係」突然間有咁多prefect黎搵我都係第一次
 
「請問咁多位師姐有咩事?」
 
果一位head prefect望一望我「就係妳頭先係校門口頂撞Miss孔?」
 
「係…我唔知道……學校唔俾掛公仔係書包」
 




「妳個膽都好大，林雪凝同學，妳仲夠膽係恐怖雞面前除校章」
 
「係……」我頭耷耷咁樣面對咁大班師姐
 
為左一隻公仔，就搞左咁大件事出黎
 
「不過恐怖雞話批准妳掛公仔，只可以掛係筆袋上邊，以後妳自己唔好行差踏錯，恐怖雞好少可會俾機會人，知嘛」
 
「知...知道啦姐姐」
 




當我坐返埋位，先發現自己雙腳好似震緊，而Ivana就好關心我咁樣
 
「Jessie妳冇事嘛?點解咁多師姐黎搵妳?」
 
我將頭先件事講一次俾佢聽
 
「哦，我明啦，妳為左保護呢隻公仔，不惜槓上訓導主任，隻公仔係男仔送呢?」
 
「下…妳點知架?」
 




「妳咁珍惜佢，一定係對妳好重要嘅人送架啦，咁除左男仔，仲要係妳鍾意嘅男仔之外，唔會有第二個人」
 
「唔…都可以係咁講嘅…」
 
「妳唔去人地學校搵人?俾少少誠意啦，女追男隔重紗」
 
「其實…我唔知佢去左邊間中學…我可能，以後都唔會再見到佢啦」
 
「唔好灰心，可能妳係中學生涯會搵到一個比佢更好嘅男仔呢」
 
「下……讀女校喎，點會識到男仔呀?」
 
「總有機會嘅」
 
就係咁樣，我同Ivana就成為左一對好朋友