那些年，我等待的那個男孩子: 林雪凝日記(9)

13-10-1999
會考課程真係好迫好趕，每日都有唔同功課、past paper之類，唔怪得有學生讀到抑鬱症
今日放學後，我到三個去到附近工廠區個球場吹下海風，貪果到夠靜夠舒服。但係今日竟然有班男仔黎打波，個個就咁除左件恤衫，著波鞋打波。Ivana見到呢個情況，就自不然想去瞭人地玩下，因為佢同Joanne一樣，坐唔定，鍾意打波運動果類人，如果叫佢地陪我去行書店，佢地寧願死。我地三個行入球場，坐低靜靜地咁睇佢地打波。原來呢班男仔打波都幾好喎，有好多激烈鏡頭，而且仲夾雜唔少粗口係入邊，搞到我都有d唔好意思。
突然佢地個波飛過我地到，我呢d運動細胞同0冇分別嘅女仔係呢個情況下只可以大叫，不過我身邊果兩位女俠就好快手咁保護我，Joanne攬實我，而Ivana就將呢個咁快嘅波接實，然後佢就帶住我地去挑戰班男仔。
佢地都幾有風度架，俾Ivana自己揀對手，所以Ivana就揀左個好怕羞嘅男仔同佢比一比，賭注係我同Joanne嘅電話號碼，不過Ivana都係食過夜粥嘅女漢子，佢好快就將怕羞仔打敗，幫我地贏左100蚊返黎。
當班男仔知道我地係英華女校學生嘅果時，佢地立即講我地係恐怖雞嘅學生再退後幾步，佢地真係聞雞色變啦，好可愛，但係聽佢地語談中，佢地之間有個叫Anthony嘅男仔係唔會怕Miss孔，可能係Miss孔嘅親戚啦，就係咁樣，Ivana同佢地交換左電話，無啦啦我地識左呢班讀樂善堂書院嘅男仔啦。
 
佢地比起傳統名校嘅男仔笑得更開心，同佢地相處左一陣就覺得好舒服，成班冇咩架子，可能呢d就係男女校同男校之間嘅分別啦。