我係幫死人化妝嘅禮儀師。: 儘管想說的話很多，卻終究語不成言。

在大學的階段，我係個不折不扣的「交際花」，根本上成個學系，甚至成間大學嘅人都係我啲frd。再加上我高超嘅化妝技巧早已傳遍校園，咩打扮方法對我黎說也只是小菜一碟。冇一個女孩唔認識我，尤其是在跟男朋友或者仰慕的對象出門時，都會特意問問我的意見。我從來都唔覺得交朋友係一件多困難的事。直到畢業後三年後的一次re-u……

「大家近排點啊？返緊咩工啊？不如輪流講你個份工嘅details，比人估下你做緊乜？估錯就一個shot！不如就我先喇……」

「仲可以做咩啊？咪sell下嘢咁囉……」

「即係sales啊？」

「你個死人頭就sales！做PR啊，比啲products啲KOL啊！飲啦你！」





「我就真係sell嘢啦……」

「下唔通你先係做sales嗰個？」

「你去死啦！我賣保險啊！飲啦！」

一陣又一陣歡呼聲，得知別人的工作後，有羨慕別人職業的，有開始攀關係的，只是四周都充斥著笑聲。可我內心的不安一步一步的攀升……

「喂，Zandra，到你啦！」





坐在隔壁的Lena用手肘推了推我，我才回過神來。

「下……到我啦？errr……我呢……」

「肯定幫啲明星化妝啦！早排先叫你po story去日本講咩去深造！」

「嘩，你就正啦，由大學個時就知你化妝勁，冇諗過咁掂喎……」

「之後會唔會幫到石原bb化妝架？定係幫過啦？咁你身上面有可能留有石原bb嘅香味，等我聞下先！」





坐在我隔壁的Lena推開了作勢要過來聞聞的同學，開玩笑地瞪了瞪他，使他立馬停下了腳步。

「係都係我幫大家聞！嘩！真係有陣清香味喎！」

我推了推Lena，示意她不要作弄我。我低下頭深了深呼吸，心裏想著早就應該把這件事告訴大家。下定決心的我卻不敢抬起頭，不敢看著任何人，甚至不敢對上任何一個人的視線，只是低下頭也感受到他們熱切的眼神。

「其實……我……唔係幫人化妝……」

「咁啫係幫女神男神化？佢地靚到唔係人！」

我的話還未說完，已經有人開始起哄，紛紛吹捧著我。

「我係幫死人化妝。」

所有人都沒有立馬轉過頭來，沒有把我的話當真，只是繼續打趣著。





「唔好怕醜啦，知你化妝叻都唔係第一日嘅事！」

「咪就係囉！」

我緩緩地抬起頭，收起臉上的笑容。

坐在隔壁的Lena是第一個人發現到我或許不是在說笑，連忙說句話暖暖場。此時大家亦看了過來，臉上的笑容也彊住了。

「你飲啦！係你估錯啊！」

大家的笑容都強硬地掛在了臉上，剛打趣著我的同學乾笑了兩聲，二話不說拿出酒杯，痛快地把酒灌了進去。大家也顧不上拍手歡呼，便留下一個又一個訝異又陌生的眼神，像是見到怪獸般，不由自主地走開，裝作沒事的飲酒。本來貼著我邊上坐著的Lena更從另一個方向移去，想著不著痕跡地避免了我的接觸，心裏好像嘀咕著我身上的那清香味，其實是防腐劑味。我低頭笑了一笑，便站了起來。

「唔阻大家啦，我仲有啲嘢做，我走先啦。」





大家都只是看了過來，並沒有給任何反應，在一旁的Lena看到這個狀況，連忙站了起來，硬生生地扯開一個微笑，向我揮了揮手。

「好啊，之後再約。」

看著一個又一個冷淡的眼神，我吞下了心裏想說的解釋，也埋沒了我心裏想得到體諒的念頭，裝作灑脫地轉身離去。