我係幫死人化妝嘅禮儀師。: Baby

面對我第一個自己負責的客人就係咁不一樣，心裏仲係有點悶悶地咁。

「今日有第二個……不過呢個客就要小心啲，你冇接觸過，你都係跟喺我隔離幫我手啦咁。」

我接過啊bo遞給我的客人資料，本來還想著為什麼啊bo要親自「下場」，一看資料我就知曉了。

「年齡：四個月」

我睇到呢到，不由得抬起頭，「眼光光」咁看著啊bo，而啊bo就對上了我的視線，只是向我微笑了一下，投咗個安慰嘅眼神比我，就繼續低頭翻找需要用的化妝品。我再睇落去，強迫自己進入要開工嘅狀態。點知下一句又令到我個心不由得抽了抽。





「死因：患有先天性心臟病，心臟病發而死」

我抬返起頭，望住啊bo剛剛把那位小客人抬出黎—只是一個人就將小客人抬到出黎，平常如果要抬客人，基本上都要兩個或者更加多人合力，先抬到出嚟……

「唔好發夢啦！過嚟啦！要開工啦！」

我方才回過神來，側身拿過保護衣，戴上口罩和手套，便走到啊bo的對面。我們倆都任何交流，卻有默契地閉起雙眼，合起雙手，替客人祈了禱，我也習慣的說一句「安心上路」的話。正當我想開口時，我才想到，

「咁我應該用咩稱謂稱呼呢個客啊？」





我還在惆悵該怎麼樣時，啊bo在旁望了望我，然後低聲講咗句。

「小姐。」

我連忙點頭，示意自己理解，便開口說了句。

「小姐，我們來為打扮得美美的上路了。」

說完，我便把「化妝車仔」拉了過來，啊bo在旁就始擦拭嬰兒的身體，而我就在旁把毛巾用水弄濕，要確保毛巾再沒滴出水後，一手就把毛巾遞給啊bo，一手就接過用完的毛巾。因為客人的皮膚都已經沒有生命了，不會吸收水份，假若用好濕嘅毛巾，水份未有被皮膚吸收，只停留皮膚的表面，客人的身體就會很容易發霉。





「抹完啦，比個眉掃我啊。」

我接過剛擦拭過身體的毛巾，可毛巾卻依舊沒有任何的溫度，甚至因四周的只有18度冷溫的冷氣，毛巾變得更冷了。我放下毛巾，便翻出一支眉掃，毫無猶豫地遞給了啊bo。

「再比個裸粉色嘅胭脂我啊！」

我轉個頭，便在頂層拿出一個胭脂膏，便利索地遞給了啊bo，啊bo抬起頭看了看放在她手上的胭脂膏後，便馬退回給我。

「要粉狀嘅，比個粉狀嘅我。」

「吓？點解嘅？啲客嘅皮膚都流失晒水份，假若仲用粉狀嘅product，就會有卡粉或者浮粉嘅情況出現，導致客人塊面上就會出現好似「擦子膠碎」嘅乾皮，一啲都唔雅觀啵！」

「我地平時客人都是係上咗年紀嘅，水份流失比較快，所以用膏狀嘅會更加啱。相反，佢……年齡細，水份仲未全部流失，再加上用膏狀嘅胭脂會顯得厚重同埋不自然。粉狀所以會啱啲。」

果然啊，還是啊bo厲害。





我便蹲下身來，翻看「化妝車仔」嘅底層，就找出了一個最新還未拆封的粉狀胭脂。我仔細在一旁緊盯著啊bo上妝的方法—不止把胭脂掃在臉頰，還把掃完臉頰的餘粉掃在額頭上。

「咁樣會顯得到她個額頭更加飽滿，仲有啊，做裸粉色咁就令到好似佢有返啲bb粉粉嫩嫩嘅皮膚咁。我搞掂啦！你試下幫佢換返套衫啦。」

我點了點頭，便拿出早已掛在一旁的小和服—本身我地啲大人著要左綁右綁，都夠麻煩，依家仲要幫個bb著，仲要係唔識旭嘅……我攤開和服，把和服墊在她的背後，我在抬起她的手臂時只用了兩根手指，一來她的手臂真的很纖弱，二來雖然我知道她早已沒有任何感覺，可總是會不自覺地放輕所有的動作，深怕弄痛她，甚至會弄紅她細膩的皮膚……

大概過了十分鐘，我才終於替她更完衣。

我把她抬推了棺後，便脫下了保護衣和手套，便跌坐在地上。啊bo見狀，便走了過來。

「點啊？好難受？」

「嗯，咁細個喎……得我半個手臂咁，就咁樣咁靜瞓咗喺到。」





我難受得狂掉眼淚，遠看著那棺木，比普通的還來得少許多，仿佛再提醒我裏面是一個只有四個月的嬰兒。

「唔好喊，唔係唔好，而係唔得。個b會走唔開架。我地要做嘅係咩啊？你自己諗下啦。」

啊bo拉了拉衣角，用衣角為我擦去臉上的淚水，便走開了，讓我自己繼續坐在地上。

我遠眺著那棺木，強迫自己收起眼淚，嚷了句，

「要毫無留戀咁離開啊。」

啊bo看了過來，手裏雖然繼續著收拾物品，卻開口再說了句，

「佢比下世嘅人生存多四個月啊，佢只係個起跑點比人地早咗四個月。」

聽完我的眼淚再次掉落，我立馬別過頭來，用手背擦掉眼淚，重新掛起笑容，向棺木說了句，





「一路好走。」

 
-
有時，對於某些人，死亡是新開始，不是完結。