「輕粵文小說」《新世代魔法界異聞錄》: 序章 根源

1987年，九龍城寨嘅廢墟中，成功破壞左九龍城寨魔法陣嘅陳艾迪，始終雙手難敵眾人，喺其他當家仲未嚟到支援之前臨死之際，曾經同錢森講過：「好啊⋯⋯用我嘅性命製造香港60年嘅未來當然非常之OK，但萬一有啲咩差池，我料天眼系統都應該唔會理你㗎啦。錢深！香港政府魔法部同埋我嘅後代一定唔會放過你！」錢森笑住望住個天終於解決咗依個麻煩人。

2007年，只係喺獅子山山頂，改變住成個香港命運甚至世界經濟體命運嘅兩個人陳曼迪同黃漢克只係用緊能量就已經改變緊地球所發生嘅事，「我以祖上之名，先唔講你係咪教會啲人我必須至你於死地，我身為守護者必須要守護世界上所有人嘅一切⋯⋯」奄奄一息嘅陳曼迪最後都係同自己嘅使魔阿加雷斯妥協，守護住三年後嘅未來⋯⋯

終於去到今時今日，陳維特帶着香港政府魔法部嘅單蘿拉、新世界學堂嘅艾麗斯、黃漢斯、馬雅、賈凱莉，破陣者部門嘅錢班前往政府總部，已經知道一切真相嘅陳維特正大聲咁樣講一句：「教會呀嘛！天眼系統管唔到你！我就唔信我都搞唔掂你，我以祖上陳艾迪之名，要守護香港跟住落嚟嘅一切未來！」