我好鍾意玩通靈遊戲，今鑊我瀨咗嘢: 我好鍾意玩通靈遊戲，今鑊我瀨咗嘢
Hi，我係余永樂，Dylan。
唔知你睇唔睇到呢篇文呢？
唔知你睇到篇文果陣我喺邊呢？我依家喺邊，我都唔知。吖唔係，我知。
我點會唔知。
出面落緊大雨，行緊雷。雷聲好假，好似係撞落一塊大鐵片所發出嘅聲。
我可以感覺到有風，但啲樹好有規律咁郁，左，右，左，右，好似同我揮手咁。啲人行嘅時候非常生硬，就好似果啲被預設目的地嘅NPC，但當我同佢哋講嘢嘅時候，又好自然㗎喎，隻眼識眨，又會透氣。
就算我依家打緊字，我都硬係覺得我未㩒個制，「啪」定「卜」一聲都未出，啲字就出咗嚟。
等我再試下先1234567852741丑丁,./123|ZXCVB究杯坪久杯去6呂6喔66哈6666666