🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.0 序幕

「各位同學下堂帶返副Rider Waite返黎，我地會繼續探討占卜案例。」導師說完，大家各自離場。

喺度同大家解釋下咩叫Rider Waite，佢係一副塔羅牌，有玩過嘅人一定知咩嚟。

我叫Issac，今年讀緊中三，今晚係星期六，亦係我上興趣班嘅日子，啱啱先至落堂。

我係一個相信直覺嘅人，係一個「extroverted introvert」；有時啲人覺得我cool唔講野，但熟左我嘅人都覺得我好人。

「Issac，嚟唔嚟一齊食飯? 」有人喺我背後大聲問。



「唔喇，我返屋企食呀。」我一邊行著，唔理佢地。

唔知係預感定係心理作用，我總是覺得有好事即將要發生喺我身上。

走出銀雞大廈，一股吵吵鬧鬧的汽車聲，令人少少煩，我行快幾步過一條街，取而代之的係，悅耳的唱歌聲。

「喜歡妳 那雙眼動人 笑聲更迷人 願再可......」

原來有3個MK仔喺度夾BAND唱緊黃家駒啲歌，唔錯都唱幾好呀。



我打算企喺度聽佢地唱完先走，此時此刻，從我的視線餘角之內，見到有個帶CAP帽，睇個樣大我幾年，深啡色長頭髮嘅女人走埋黎。佢比我嘅感覺唔多似MK妹，個樣都算斯文。

佢遞咗份有半張A4 size嘅傳單俾我，熱情地說：「Hi，我地最近開咗間board game cafe呀，上嚟玩下呀~」

我當場猶疑咗兩秒，然後都係接左張傳單。Board game? 對我黎講都ok嘅。

跟住佢好似見我有興趣咁，於是起勢講：「上嚟玩啦，而家仲有8折優惠呀~」

「唔該曬你先，我陣間再上嚟。」以我一直以來的經驗，呢個係拒絕sales最好用嘅句子。



咁啱呢個時候首歌都已經唱完，一群圍觀者都送上了掌聲同歡呼聱，場面十分熱烈。

而我為咗避開sales就行遠左幾步，既然而加表演都完左，咁不如直接返屋企。

無論如何，今晚一於用副塔羅牌問下之後會發生咩事，直覺話我知呢間board game cafe肯定同我有密切關連，就當順便練習下占卜。