🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.4.2 cafe小姐

9人遊戲開始。

「狼人開眼，第一晚互相確認身份。」

估唔到，我同阿玲都係狼。此時此刻，我、阿玲、同一位唔識嘅男客人面面相覷，到底係你定係佢先係狼王呢？

「狼人，今晚你想殺邊個呢？」

我隨手指住對面嘅一個女仔。



原來，連阿玲都好有默契地同我指埋同一個女仔。

呢一刻，我個心又不禁似曾相識地暗笑起嚟。

當年我同Grace一齊玩忍豆時又係類似嘅情景。

大家成日玩忍豆，同一team人，同一條船，以殲滅對家全村人作為目標。

當年大家一齊互相合作，隊型仲可以自己選擇；更何況而家仲要係抽籤之下嘅決定。



我同呢位有好感嘅女仔，第一場就已經同一條船，真係一個十萬分嘅好意頭。

最後嗰個做第三隻狼嘅男仔都跟風指人。

「好，狼人閉眼」「女巫開眼」「預言家開眼」

經過「一晚」，死咗一個，大家續一發言。

Anna：我冇野講



雨晴：睇多晚先啦，都唔知邊個做嘅

David：聽晚先再投票啦

我：我都冇野講

阿玲：我都係

接著，「第二晚」我又指多個人殺，我微笑點頭向阿玲示意，阿玲都點頭應好，我地三隻狼達成共識向第二個人動刀。

「今晚有兩個人死咗」第二晚回合完結，Bianca講野。

今晚係一隻狼王同我啱啱指嘅果條友死咗。

「我要發動技能，帶走佢」呢位做狼嘅男仔原來係狼王，佢「臨死」前指住David。



David：屌！點解我咁快死先㗎。

而家場上剩返連自己一共5個人，明顯女巫做野所以狼王先會死。咁即係而加我同阿玲對3個敵人。

又到大家發言時間。

Anna：會唔會係阿玲做㗎？

雨晴：我覺得係Issac囉！

客人A：嗱，唔係我做㗎!

我：呢位人兄講到自己冇做過咁，擺明身有屎啦，係都投佢先啦！
(我指住客人A)



阿玲：賊喊捉賊嘛，呢兩位都好有嫌疑

「我冤枉架！」最後我同阿玲一齊指住客人A，雖然得Anna一個指我，但少數服從多數，我唔洗死。

打到最後剩返2打2，剩返Anna同另一個客人，睇嚟呢兩個人當中有一個係獵人，最壊打算女巫仍然在生，出黎救人，小心為上至好。

「狼人今晚要殺邊個？」又一個晚上。

一於放手一搏，已經估計唔到咁多喇。

最後我同夠玲攪掂埋Anna，佢原來唔係獵人。

大局已定，剩返一條友跟本冇得同我地打。



「好，狼人贏咗！！」

「贏左喇！」我向阿玲打個眼色，佢笑笑口望返我。

阿玲嘅笑容會帶比我一種耐人尋味feel。

在這場熱鬧嘅社交裡，我似乎找到一種寧靜。

當眾人都正在專注於一片狂歡時，我卻把焦點放到了這一位怕生、毫不起眼的少女——阿玲。