🏫 👩🏼❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.6.2 默契
差之毫釐，謬之千里。
我同阿玲嘅相遇真係完美巧合。
我覺得, 件事好似有人計過咁，否則好難有咁多巧合。
禮物就送完喇，跟住落黎都只能夠睇住佢反應做人；如果有好感嘅，相信佢會繼續同我來往。
David: 拿，雖然我都有佢電話，但我唔同你爭㗎。
我: 同你識咁耐，有咩好爭啫？
返到屋企，例牌動作，臨訓前抽一張代表自己嘅心情牌。至於阿玲而家係度諗乜，我又順手抽埋。
聖杯隨從⋯⋯睇嚟佢都幾興奮。
塔羅牌靈唔靈，係咪真係占到未來，見仁見智；至少，今朝早抽咗張 「權杖一」對我嚟講係一粒定心丸。
冇呢張 「權杖一」, 或者我唔會有100%信心去追阿玲，甚至攞埋電話number。人要成功，信心係不可或缺嘅元素；所以就連差一分信心，我都唔會咁順利。
星期日，趁我跑完步之後WhatsApp佢。
我: hi, 我係Issac呀
阿玲: hi
我: 你有冇去open day呀?
阿玲: 有呀，好好睇呀，你地學校有個男神?
我: 係呀，家朗好受女仔歡迎
阿玲: 佢份人係點㗎?
跟住，我就將Raymond嘅背景同佢介紹一次。
當佢問Raymond係點點點時，我心入面唔多唔少有個顧慮：
將來，如果我真係要同阿玲一齊的話，我嘅情敵又會唔會係Raymond呢？唔知阿玲對所謂嘅白馬王子嘅條件係咩呢？希望我滿足到佢。
暫時唯一令我安慰嘅係：個天幫咗我，因為而家我識到嘅阿玲，仲未真正同Raymond接觸；而我又可以趁佢9月入黎之前，盡力將感情升溫，盡人事發展到就發展。
WhatsApp傾計過程中，佢send咗張喺o day時佢同Raymond嘅合照比我睇，仲同我分享嗰日經歷。
我：你心目中嘅男神係佢？
阿玲：係呀
我：咁你要加油喇，入嚟之後要同幾十個女仔為敵啵。
阿玲：我會的
跟住，我地就傾少少我學校嘅上堂安排、校園趣聞、老師同學趣事、課堂趣事等等。
阿玲：咁你又有冇女神呢？
我：我係無性戀啵~ :)
(Maybe 有讀者唔知咩係無性戀，喺度講下。無性戀係lgbti(hehe, sheshe, etc)嘅其中一種性向，詳細自己上wikipedia查。)
我一講無性戀，佢即刻知我講咩，一般人一剩係聽過同性戀和雙性戀。
透過了解學校生活，而家我同阿玲又拉近了距離，了解到原來佢係為咗優質教育所以轉校，有錢人十個有九個同我父母諗嘅一樣。
為咗下一代，有條件的話，一係送佢地去好學校，一係就送去外國，唔夠擔接受香城教育局資助嘅學校教育。
小學時，搏殺嘅我，再加上思想開明嘅阿媽，所以我先嚟到呢度讀書。
阿玲：你都有追動漫同識畫畫?
我：動漫就睇少少，但唔係沉迷嗰隻，畫畫就唔識喇。
阿玲：你有睇惠惠嘅explosion？
我：以前f.1時睇過
話說f.1時識David冇耐，佢就推《美好世界》比我睇。
我：你係畫師？
阿玲：係呀，我中意隨心自己創作角色，仿畫
阿玲：有時或者會畫下風景
我：咁下次畫下我個樣呀 :)
阿玲：唔係太好掛，我驚畫衰你啵（笑喊
喺WhatsApp同阿玲傾計時，感覺係兩個人嚟，內向嘅人通常平時談吐口疾，但到寫字時啲文句又特別流暢。
接下來嘅日子，雖然有時忙於學業，例如間中會有quiz同默書，但至少我地都keep住每個星期六見面，每次見面都離唔開佢問我功課。
.
.
.
阿玲：唔該曬你，我明喇。
我：最緊要，係同條題目溝通，識得用題目比嘅資料。
呢兩個月，我地嘗試互相再深入了解大家嘅興趣，未來夢想、星座、阿玲原校嘅趣事。
呢種感覺，開始少少似當年我同Grace咁，一星期見一次面，見面時傾校園生活同個人興趣。
漸漸地，我也飾穿了佢成日黎問功課嘅原因。
有一次在cafe見面，我終於開聲：你想我陪你咪直接講囉。
(微微一笑)
當我再三了解佢以前校內成績時，原來佢讀書都唔差，科科成績平平均均，最擅長畫畫。
就咁樣loop左兩個月。
一同相處，一同交流學術，只要對方在，我就開心。
呢兩個月，David都好識做，佢明知我同阿玲有一種友達之上，戀人未滿嘅關係，於是佢就好少陪我上New age cafe。呢兩個月，佢都係去返女僕cafe過weekend。
直到25/5，黎埋今日之後，我就要閉門自修準備大考。呢個final exam超級重要，因為關乎到中四選科。
按我地學校程序，學生可選讀2至3個elective (m1/2則不在此限)，同時亦會考慮今年大考嘅成績。
我諗好，就照報phy, chem, 純粹搏入大學嘅話，兩科足矣。想穩陣d，去到f.5可以插一個m2。大學選科暫定science或engine。
今日係搏殺前最後一次上黎睇阿玲。
我: 阿玲選咗科未?
阿玲：諗好喇，想讀phy同VA
據說, phy同VA係兩科好講想像力嘅科目, 只係一個講科學上嘅想像力, 一個講藝術上嘅想像力。
相識兩個月，我發現阿玲原來想像力幾好，唔怪之得成日畫畫。
我: 你係咪想像力好好嘅人黎?
阿玲: 係呀⋯⋯所以我咪中意呢兩科囉。
其實我，都係想像力好好嘅人，同時又著重邏輯，所以我先諗住修phy, chem同m2。
我：咁你努力考埋個試喇，我地學校選科都睇成績㗎。
(我認真地說)
阿玲：我努力緊架喇。
我：係至好講bo~
如果係真正嘅戀人，就有一種默契：樣樣野(或者叫大部分)都match。
而且，仲會有一種依戀：一日不見如隔三秋。
我地之間有個大共通點，就係想像力好，呢點或者令我地夾得埋，溝通到。
而且，我仲好想日日同佢一齊做功課。
但係理性呢樣嘢告訴我：現階段呢段關係不宜太chur，我又覺得自己未真正ready好同佢拍拖。
阿玲：考試加油喇，希望你讀到phy同chem啦！
我：下次再見！
今晚自己一個人嚟new age cafe，冇玩board game，只係食個飯，當其他人在興高采烈地玩board game時, 我就慢慢飲杯野沉思。我都係想臨大考前放鬆個心情。
道別時，好少見到阿玲咁外向嘅表情，可能佢做野做得耐，對客人玩board game多，所以人大膽咗。
跟住我真係要面臨大考了，之後預計都要六月尾先再可以同阿玲見面。
希望我地齊齊入x1 phy班。