「燈鄧凳鄧燈凳敦凳躉凳躉……」
-

係我-澄叔,為大家主持《霹啪文壇頒獎典禮》。今日嘅獎就係「最佳男配角」。
-
霹啪文壇2020最佳男配角。
-
係你「哋」喇!澄叔同埋宵夜鋪老闆。
-
澄叔- 《106與她的邂逅》飾演巴士司機一名,其麻甩佬嘅車手性格深受乘客歡迎,每朝由澄叔揸嘅班次都坐滿乘客,可見澄叔大受歡迎。(梗係啦,朝早繁忙時間過海線冇人坐就死得啦。)
-




宵夜鋪老闆-《夾出一個她》適應宵夜鋪老闆,其風趣幽默嘅性格同埋優質嘅食物質素吸引唔少客人由唔同地方專程去佢間宵夜鋪-「燒夜店」光臨。「燒夜店」最出名嘅嘢食就係即燒牛歡喜,每日一定冇淨,聽聞要打電話留貨。
-
咦!點解冇上台攞獎嘅?
-
實不相瞞,其實兩個角色甚至《澄叔的1.5米距離》同《霹啪文壇頒獎典禮》嘅主持都係我嚟。冇辦法,而家搵食艱難,咩都要做下,搵下外快㗎喇!跟住多謝咁多位讀者咁鍾意一個中年大叔,又要睇我撞鬼、又要睇我揸巴士、夜晚又要睇我燒串燒啦!真係早、午、晚都見都我。另外要多謝我老婆,冇佢嘅支持都冇我啦!老婆,我愛你!
-
有各位讀者嘅支持同鼓勵,我先可以由故事台開頭,兜兜轉轉做到而家。雖然我嘅戲都麻麻,但相信之後會更好嘅。
-
今日係無聊㗎喇,鬼叫澄澄揼咁少錢出嚟搞呢個頒獎典禮咩。聽日再見啦!






IG:chingchingstory