如果俾我揀,我梗係想全日喺酒店同Miss Cheung做完就瞓,瞓醒就食,食完再做過,但係咁又未免令到Miss Cheung覺得我重性輕愛,佢專登過到嚟探我,當然唔係只想同我日做夜做。
 
我幫Miss Cheung沖咗個好仔細嘅涼,由頭洗到落腳,每一吋地方都洗得乾乾淨淨,我發現Miss Cheung全身上下真係一丁點多餘脂肪都冇,應大則大,應細則細,絕對係完美化身,加埋佢如天使般清純嘅內心,我敢講呢個世界上喺Miss Cheung呢個年齡層佢係全冇對手,成熟過或者年輕過佢嘅就冇得比,因為標準唔同咗。
 
等Miss Cheung沖完出番房,我先自己快手沖身,本來Miss Cheung話幫番我洗,但係頭先幫佢洗已經洗到我差啲忍唔住要執多劑,佢幫我洗埋嘅話,今日一定出唔到街。
 
出到房,Miss Cheung已經換咗件長袖樽領米色連身長裙,加埋白色波鞋,青春得嚟又不失高貴,最緊要係就快撐爆條裙嘅雄偉雙峰,淨係呢part都贏晒,睇嚟Miss Cheung今次有備而嚟,我應該可以大飽眼福。
 
「戇居居咁企喺度做咩呀?快啲著衫出去喇。」Miss Cheung見我流晒口水咁望住佢唔識反應,開聲催促我。
 


我點點頭,快速著番好衫褲,以免俾Miss Cheung見到蠢蠢欲動嘅下身,雖然我覺得佢一早發現又想大展拳腳嘅細佬。
 
因為酒店附近都有好多商舖,所以我冇揸車,拖住Miss Cheung喺半小時腳程範圍內嗰幾條街閒逛,downtown好多特色舖頭可以行,或者未必能夠引起購買意慾,但作為熟悉地道文化嘅渠道就綽綽有餘。
 
果然行咗幾條街都買唔到嘢,我見Miss Cheung冇得買嘢好似有少少唔開心,喺條街度吹風又令到佢隻手有少少凍,就帶佢坐地鐵去最近嘅大形商場Eaton Centre,順便俾佢見識下加拿大嘅公共交通設施有幾「方便」。
 
Eaton Centre上次去要追溯到周穎陪我嚟加拿大嗰陣,之後都好似冇再去過,一來遠,二來呢啲商場係大,但係嘢都貴啲呢,我對shopping冇乜興趣,聽周穎講佢反而有跟同學嚟過幾次,因為近多倫多大學,有時堂與堂之間隔得太耐就會嚟消磨下時間。
 
喺呢度Miss Cheung終於買到嘢,除咗手信類如楓葉糖漿同花旗參外,仲買咗三文魚同冰酒今晚當宵夜,意外嘅係Miss Cheung對衣著方面都好有興趣,買咗幾袋衫,佢話啲款式同香港唔同,好適合佢。
 


買衫嘅嘢我就冇研究喇,最緊要Miss Cheung開心,因為Miss Cheung開啟咗購物模式,我哋午餐同晚餐都分別喺商場內嘅food court同餐廳搞掂,我開始有少少後悔冇揸車,買到一抽二褦咁連想拖住Miss Cheung都冇手。
 
經過一日征戰,連Miss Cheung都無可倖免咁要抽住幾袋嘢返酒店,不過只要見到佢一臉滿足嘅樣,我就覺得幾辛苦都係值得嘅,只係下次真係要揸車出嚟,女仔鍾意買嘢呢個天性絕對唔可以小覷,即使純良如Miss Cheung,都抵擋唔住內心嗰股潛藏嘅野性渴望。
 
好彩間酒店房夠大,唔係買番嚟嘅嘢都唔知擺邊,不過Miss Cheung今次嚟只係帶咗一大一小兩個喼,而今日只係第一日,睇嚟要借多兩個喼俾佢先夠裝晒啲嘢走。
 
「我幫你按摩吖。」我見Miss Cheung搵手摙膊頭,即刻好醒目咁自動請纓。
 
Miss Cheung見我不懷好意咁行埋身,就甜甜一笑後背脊向天咁瞓上床,靜待我嘅貼身服務。
 


我隔住衫按落Miss Cheung略硬嘅雙肩,平時冇人同佢按摩,喺香港又得一個女仔自己住,擔擔抬抬都要親力親為,無可避免會傷到啲肩膊同腰背肌肉,我有啲心痛咁施盡渾身解數幫Miss Cheung紓緩身體上嘅疲累,都係我呢個男朋友冇用,唔能夠長時間喺女朋友身邊呵護佢。
 
我嘅按摩技術有番兩手,當年就係咁按到瑜姐姐起晒火,不過懷住對Miss Cheung嘅歉意,我反而冇色心大起,只係想努力補償Miss Cheung。
 
「好舒服呀!」Miss Cheung長長吁出一口氣,對我心裡面翻天覆地嘅變化毫不知情,甚至可能會奇怪我竟然冇乘機搏懵。
 
按按下Miss Cheung竟然舒服到瞓著咗,睇嚟佢搭咗廿幾個鐘嘅疲勞終於發作,亦都可能係佢未適應到時差。
 
著住去街衫瞓覺點會瞓得好,我動手幫Miss Cheung除咗條裙,剩番內衣褲同胸圍,瞓覺俾個Bra箍住似乎唔係幾好,又阻礙發育,於是我除埋內衣同Bra,Miss Cheung全身上下就得番條底底,一不做二不休,我連底底都除埋,將Miss Cheung嘅完美胴體完全解放出嚟,側臥喺床上面嘅Miss Cheung美態盡現,足可媲美古希臘嗰啲赤裸雕像。
 
睇嚟Miss Cheung真係好攰,俾我剥光豬都瞓到咁腍,亦都可以證明Miss Cheung對我充滿信心,任我施為,其實最珍貴嘅嘢都俾咗我喇,仲有咩可以唔放心。
 
我幫Miss Cheung冚好被,去浴室沖咗個靚涼,然後出廳打電話向周穎報告今日行程,搞嘢嗰段skip咗,其他事情就如實報告,周穎必然估到我同Miss Cheung咁耐冇見,冇可能唔做,以今日嚟計咪算做得少囉。
 
「咁你好好招呼Miss,過幾日平安夜Chloe話想喺屋企搞party,到時叫埋石克隆同王小富佢哋一齊玩,你同Miss都過嚟喇。」最後周穎話。


 
係喎,差啲唔記咗王小富聽日就到,機就接佢唔到,好似話石克隆定邱雅琳會拜託Chloe搵人去接:「好呀,多啲人一齊慶祝開心啲,亦都可以俾Miss感受下加拿大嘅節日氣氛。」Chloe屋企咁大,到時咁多人,唔怕會撞到邱雅琳,而又可以順便介紹Chloe俾Miss Cheung識。
 
入番房,見到Miss Cheung嘅睡姿同我頭先沖涼前幾乎冇分別,仲傳出好勻衡嘅鼻鼾聲,我爬上床將Miss Cheung攬埋身,佢只係稍為縐一縐眉,就由得我攬住佢瞓。
 
當然我都係一絲不掛喇,方便聽朝起身「晨運」吖嘛。
已有 0 人追稿